50:145  145  CAPUT  XII.  146  captare,  sed  de  animarum  salute  duntaxat  esse  sollicitum.  Plua  tamen  leporis  habet  quod  dicit:  valet  enim  perinde  ac  si  dixisset:  Ego  ampliorem  mercedem  quam  putetis  requiro:  non  sum  opibus  vestris  contentus,  sed  vos  quaero  totos,  ut  sacrificium  ex  ministerii  mei  proventu  Domino  offeram.  Quid  autem  si  quis  ex  labore  suo  pascatur?  an  ille  quaeret  populi  substantiam?  certe  si  fidelis  est  pastor,  semper  ovium  salutem  quaeret,  non  aliud.  Stipendium  quidem  accessio  erit  :  sed  nonnisi  eum,  quem  dixi,  scopum  spectare  debet.  Vae  alio  collimantibus.  Faventes  filiis.  Ergo  pater  non  erat  Philippensium,  qui  eum  etiam  absentem  alebant?  ergo  ex  reliquis  apostolis  nullus  erat  pater,  quibus  victum  ministrabant  ecclesiae?  Nequaquam  id  voluit:  nam  et  parentes  in  senectute  ali  a  filiis,  non  est  novum.  Non  ergo  protinus  indigni  patrum  honore,  qui  ex  ecclesiae  sumptibus  vivunt:  sed  Paulus  tantum  ex  communi  naturae  lege  ostendere  voluit,  provenire  ex  paterno  affectu  quod  fecerat.  Quare  non  debet  argumentum  hoc  in  contrariam  partem  retorqueri.  Fecit  enim  hoc  tanquam  pater:  sed  aliter  agendo  pater  esse  non  desiisset.  15.  Ego  vero  libentissime  impendam.  Hoc  vero  pietatis  magis  quam  paternae  testimonium,  quod  non  suam  operam  modo  et  quidquid  habet  facultatis  impendere  paratus  est  erga  eos,  sed  vitam  quoque:  imo  quum  frigide  ametur,  in  hoc  nihilominus  affectu  pergat.  Quam  vel  ferrei  pectoris  duritiem  non  emolliat  aut  frangat  tantus  amoris  ardor,  cum  tali  constantia  praesertim  coniunctus?  Caeterum  non  praedicat  hic  Paulus  de  se  quod  miremur  tantum,  sed  quod  etiam  imitemur.  Quare  hinc  discant  universi  pastores  quid  ecclesiis  suis  debeant.  16.  Sed  esto:  ipse  non  gravavi  vos:  verum  quum  essem  astutus,  dolo  vos  cepi.  17.  Num  per  quemquam  eorum,  quos  misi  ad  vos,  expilavi  vos?  18.  Rogavi  Titum,  et  una  cum  illo  misi  fratrem:  num  quid  a  vobis  extorsit  Titus?  annon  eodem  spiritu  ambulavimus?  annon  iisdem  vestigiis?  19.  Rursum  arbitramini  quod  nos  vobis  excusemus?  in  conspectu  Dei  in  Christo  loquimur:  sed  omnia,  carissimi,  pro  vestra  aedificatione.  20.  Nam  metuo  ne  qua  fiat,  ut  si  venero,  non  quales  velim  reperiam  vos:  et  ego  reperiar  a  vobis  qualem  nolitis:  ne  quo  modo  sint  contentiones,  aemulationes,  irae,  concertationes,  obtrectationes,  susurri,  rumores,  seditiones.  21.  Ne  iterum,  ubi  venero,  humiliet  me  JDeus  meus  apud  vos,  et  lugeam  multos  eorum  qui  ante  peccaverunt,  nec  poenitentiam  egerunt  immunditiae,  libidinis  et  impudicitiae  quam  patrarunt.  16.  Sed  esto.  Significant  haec  verba,  Paulum  fuisse  insimulatum  a  malevolis,  quasi  per  homines  subornatos  emunxisset  quod  per  se  accipere  recusaverat*  Non  quod  tale  quidquam  fecisset:  verum  Calvini  opera.  Vol.  L.