42:145  145  SUR  LE  XII.  CHAP.  DE  DANIEL.  146  reformer  a  fin  que  nous  cheminions  selon  sa  volonte,  que  nous  ne  soions  plus  adonnes  a  nostre  chair  et  a  nos  mauvaises  affections,  d'autant  donc  que  cela  nous  est  declare  en  l'Evangile.  Voila  comme  nous  sommes  reconcilies  a  Dieu,  nous  sommes  conioints  a  luy,  comme  auparavant  nous  en  estions  separes,  car  cependant  que  Dieu  nous  impute  nos  peches,  et  qu'il  nous  veut  appeler  a  compte,  il  faut  qu'il  nous  haisse,  et  nous  hait  de  fait,  mais  quand  il  nous  attribue  la  iustice  et  obeissance  de  son  fils,  que  par  ce  moien  la  nos  peches  sont  effaces,  qu'ils  sont  comme  ensevelis,  voila  comme  nous  approchons  de  Dieu,  et  puis  quand  il  nous  fait  la  grace  de  nous  gouverner  par  son  sainct  Esprit,  qu'il  nous  donne  la  vertu  de  resister  a  Satan,  qu'il  nous  donne  la  volonte  et  le  desir,  que  nous  cheminions  en  crainte  et  en  humilite  devant  luy,  voila  comme  nous  en  approchons  tousiours  de  plus  en  plus,  et  c'est  aussi  pour  cette  cause  que  l'ange  dit  ainsi  en  ce  passage,  que  la  doctrine  de  l'Evangile  estant  preschee  au  monde,  iustifie  ceux  qui  l'escoutent  et  qui  y  croient.  Or  puis  que  nous  sommes  iustifies  par  la  predication  de  l'Evangile  apprenons  d'avoir  une  affection  plus  ardente  que  nous  n'avons  pas  pour  venir  a  l'escole  de  Dieu,  quand  la  cloche  sonne,  que  nous  sachons  que  Dieu  nous  veut  reduire  a  sa  iustice,  et  de  la  a  son  salut,  et  faut  il  maintenant  que  nous  soions  si  pervers  aiant  entendu  cela  nous  recullons.  Voici  Dieu  qui  ne  demande  que  de  nous  attirer  a  soy,  et  nous  irons  tout  au  rebours,  faut  il  pas  bien  dire  qu'il  y  ait  une  grande  perversite  en  nous,  et  au  reste  scachons  que  tous  ceux  qui  mesprisent  l'ordre  de  l'Eglise,  qui  refusent  d'estre  enseignes  par  la  predication  de  l'Evangile,  qu'ils  renoncent  en  tant  qu'en  eux  est  a  ce  salut,  qui  leur  ha  este  acquis  par  nostre  Seigneur  Iesus  Christ,  voulons  nous  avoir  Iesus  Christ  pour  nostre  sauveur?  il  faut  qu'on  nous  presche  l'Evangile,  que  nous  soions  en  commun,  que  demanderont  donc  ces  canailles  qui  despitent  manifestement  Dieu,  qui  font  profession  toute  notoire,  de  ne  tenir  compte  de  la  predication  de  l'Evangile,  qui  sont  des  diables  enchaines,  qui  n'ont  point  de  part  ni  portion  avec  Iesus  Christ,  et  faudra  qu'ils  restent  en  opprobre,  et  en  ignominie  perpetuelle,  comme  il  ha  este  dit  auparavant:  ceux  la  donc  portent  desia  leurs  marques,  qu'ils  seront  mis  en  opprobre  infernal,  d'autant  qu'ils  reiettent  le  moien  de  communiquer  a  la  iustice  de  nostre  Seigneur  Iesus  Christ.  Or  a  la  fin  il  est  dit,  Daniel  tien  cette  doctrine  en  secret,  et  que  tu  la  cachettes  iusques  au  temps  deffini,  car  plusieurs  courront3  et  la  doctrine  sera  augmentee.  Quand  l'ange  dit  a  Daniel  qu'il  tienne  cette  doctrine  ici  secrette,  c'est  pour  luy  donner  courage,  a  fin  qu'il  ne  pense  pas  que  cette  prophetie  ici  soit  vaine  et  inutile,  encores  pour  un  Calvini  opera.  Vol.  XLII.