30:145  145  IN  I.  LIB.  SAMUEL.  CAP.  XV.  146  saevus  et  crudelis  fuisset,  quod  sanguinem  humanum  fudisset,  quod  multas  uxores  viduas  reddidisset.  Et  tamen  divina  ultio  in  ipso  peccata  illorum  ulciscitur  qui  iam  ante  trecentos  annos  mortem  obierant.  Sane,  et  inde  apparet  Deam  vetera  peccata  exquirere,  quae  sibi  soli  cognito  tempore  puniat.  Hinc  discamus  Dei  infinitam  sapientiam  adorare,  et  consilium  ipsius  aeternum  revereri,  et  in  omni  humilitate  quidquid  sacra  docet  scriptura  recipere.  Et  quidquid  humana  ratio  dictet,  os  tamen  claudere,  et  in  arcana  Dei  iudicia  non  ulterius  inquirere.  Quid  enim,  quaeso,  profuerit  adversus  ipsum  obloqui?  Quare  quaecunque  tandem  exerceat  iudicia,  quae  nobis  insolentia  videbuntur,  ne  tamen  quidquam  adversus  ipsum  obloquamur:  quandoquidem  sua  semper  illi  iudiciorum  constat  ratio.  Interea  nostram  arrogantiam  et  temeritatem  in  scrutandis  ipsius  iudiciis  observabit,  quam  suo  etiam  tempore  ulciscetur.  Quamobrem  etsi  humanae  rationi  non  appareat  omnium  Dei  iudiciorum  ratio,  tanquam  iustissima  tamen  suspiciamus.  Et  hactenus;  quae  vero  sequuntur  quandam  difficultatem  in  se  continent,  quod  dicitur  Samuel  in  frusta  concidisse  Agagum  coram  Domino  in  Galgalis.  An  enim  ipsemet  hominem  interfecit?  Itaque  hic  primum  observandum  est,  iis  temporibus  non  eam  quae  nunc  obtinet  fuisse  consuetudinem:  et  iustitiae  ministrum  esse  non  fuisse  inhonestum:  corruptis  vero  deinde  saeculis  factum,  ut  de  facinorosis  non  sumatur  supplicium,  nisi  per  publicum  lictorem,  ad  hanc  rem  ordinatum.  Deinde  certum  illud  esse,  Samuelem  a  Deo  regia  potestate  et  autoritate  armatum,  iubente  Agagum  interfici.  Neque  enim  Samuelis  officium  erat  Agagum  interimere:  sed  tamen  cessante  Saule  et  officium  non  faciente,  Samuel  rem  perfecit.  Quod  vero  Saul  sine  contradictione  id  permittit  fieri,  in  eo  videmus  illum  veluti  fraeno  quodam  cohiberi:  sed  tamen  tanquam  simulatum  hominem,  cuius  cor  non  erat  prorsus  alienum  a  rebellione:  sed  qui  nunc  prophetam,  ut  nuper  populum,  metuat:  et  dubius  ac  incertus  consilii  modo  in  hanc  modo  in  illam  partem  propendeat.  Quamobrem  non  est  adscribenda  Sauli  laus  aliqua  virtutis:  sed  sciendum  a  Deo  fuisse  veluti  belluam  quandam  fraenatum.  Deum  itaque  videmus  Samueli  novum  veluti  robur  ad  hoc  opus  suffecisse,  quod  alioquin  a  se  non  haberet.  Nam,  ut  vidimus,  ad  summam  senectutem  pervenerat,  quae  frigida  plerumque  et  infirma  est.  Agag  autem  florente  adhuc  aetate  videtur  fuisse  :  et  licet  aetatem  ipsius  ignoremus,  tamen  non  fuisse  confectum  senectute  verisimile  est.  Porro  non  tantum  caesus,  sed  in  frusta  discerptus  a  Samuele  dicitur,  tanquam  si  mollissimum  quid  concidisset.  Nae  omnino  statuendum  Dei  manum  tantam  vim  Samueli  dedisse.  Unde  manifestum  est  Samueli  munus  regium  com-  Calvini  opera.  Vol.  XXX.