27:145  145  SUR  LE  DEUTER.  CHAP.  XI.  146  que  ses  secrets  surmontent  tout  nostre  esprit:  mais  apres  cela,  si  est-ce  que  nous  devons  estre  tellement  certifiez,  voire  par  science,  qu'il  nous  rende  tesmoignage  de  la  verite  en  nos  coeurs,  que  nous  puissions  dire  avec  sainct  Iehan  :  Nous  savons  que  nous  sommes  enfans  de  Dieu.  Voila  quelle  est  la  vraye  religion.  Ce  n'est  point  un  zele  inconsidere,  ni  un  appetit  que  les  hommes  prendront  a  ceci,  ou  a  cela:  mais  c'est  une  doctrine  certaine,  et  fondee  en  la  verite  de  Dieu,  que  nous  pouvons  dire  que  c'est  luy  qui  a  parle  a  nous,  et  qu'il  est  tesmoin  fidele  de  ce  qui  nous  est  utile  pour  nostre  salut.  Et  au  reste  quoy  que  nous  alleguions,  nous  demeurerons  tousiours  conveincus  de  nostre  malice.  Que  quand  nous  aurons  este  enseignez  en  la  parolle  de  Dieu,  si  nous  avons  adore  les  dieux  qui  ne  nous  sont  point  cogneus,  si  nous  declinons  a  quelque  superstition,  si  nous  ne  demeurons  point  en  la  pure  simplicite  de  l'Escriture  saincte:  il  est  certain  que  nous  serons  a  bon  droict  accusez  d'avoir  des  dieux  nouveaux,  de  les  forger,  voire  aimans  mieux  croire  au  mensonge  qu'a  la  verite.  Comme  sainct  Paul  aussi  parle  de  tous  ceux  qui  n'ont  point  obey  a  l'Evangile,  qu'il  dit  que  c'est  bien  raison  qu'ils  soyent  touchez  d'un  aveuglement  horrible:  d'autant  qu'ils  n'ont  point  honore  le  createur,  il  faut  qu'ils  soyent  suiets  aux  creatures,  c'est  a  dire,  a  ce  qu'ils  ont  songe  en  leur  cerveau  et  en  leurs  folles  phantasies.  Or  donc  apprenons,  puis  que  nostre  Dieu  nous  a  enseignez,  de  nous  tenir  appuyez  sur  sa  parolle,  et  cognoistre  comment  c'est  qu'il  s'est  manifeste  a  nous,  et  appliquons  a  nostre  profit  tous  les  tesmoignages  qu'il  nous  donne,  et  gardons-nous  de  vaguer  ne  ca,  ne  la,  et  de  suyvre  nos  mensonges:  car  il  n'y  aura  point  d'excuse  pour  ceux  qui  n'ont  point  voulu  estre  certifiez  de  Dieu,  quand  il  estoit  prest  do  ce  faire.  Or  en  la  fin  Moyse  adiouste  que  le  peuple  estant  venu  en  la  terre  promise,  asserra  son  ost  en  deux  costez:  Vune  des  parties  sera  sur  la  montagne  de  Garizim,  et  l'autre  sur  la  montagne  d'Hebal:  et  que  ceux  qui  seront  a  la  montagne  de  Garizim  prononceront  les  benedictions,  et  ceux  qui  seront  sur  la  montagne  d1  Hebal,  prononceront  les  maledictions,  comme  nous  voyons  que  cela  fut  observe.  Car  ce  commandement  sera  recite  encores  au  27.  chap.  Et  Iosue  au  8.  chap.  monstre  qu'il  a  obey  a  ce  que  Moyse  avoit  commande.  Or  la  somme  c'est,  que  quand  le  peuple  fut  entre  en  la  terre,  il  y  avoit  deux  montagnes,  assavoir  Hebal  et  Garizim.  Dieu  commandoit  qu'une  portion  du  peuple,  c'est  assavoir  certaines  lignees  fussent  d'un  coste  en  ceste  montagne  de  Garizim,  et  d'autre  en  la  montagne  d'Hebal,  que  le  reste  des  lignees  y  fust,  et  que  les  Levites  fussent  la  au  milieu  de  Tost,  portans  l'arche  de  Dieu:  pour  monstrer  que  Dieu  presidoit  la,  et  que  les  Levites  se-  Oalvini  opera.  Vol  XXVII.