21:145  145  VITA  CALVINI.  146  communi  tot  ecclesiarum  iudicio  damnatus.  Etenim  tum  ipsa  quaestionis  nondum  antea  satis  a  plerisque  veteribus  explicatae  nec  eodem  semper  exitii  agitatae  difficultas  curiosa  praesertim  ingenia  adhoc  ipsum  disquirendum  accendebat,  tum  factiosi  praeclaram  sibi  oblatam  occasionem  ad  omnia  Calvino  eiecto  subvertenda  putabant.  Itaque  dici  non  potest,  quae  non  in  urbe  tantum,  verum  etiam  ultro  citroque  [fol.  III.  2]  veluti  si  classicum  ipse  Satan  cecinisset,  contentiones  sint  consequutae.  Etsi  enim  pulchre  inter  praecipuarum  ecclesiarum  pastores  conveniebat,  non  deerant  tamen  qui  in  vicinis  Bernensis  ditionis  ecclesiis  Calvino  litem  intenderent,  quasi  Deum  faceret  peccati  autorem:  parum  certe  memores,  hoc  ipsum  pestilentissimum  dogma  fuisse  a  Calvino  iampridem  ex  professo  adversus  Libertinos  refutatum.  Basileae  vero  Castellio  bonus  ille  et  simplex  homo,  etsi  clanculum  fere  agebat  omnia,  tamen  non  obscure  Pelagianismum  tuebatur.  Quin  etiam  his  de  rebus  ita  scribere  coeperat  Philippus,  ut  quamvis  antea  Calvini  adversus  Pighium  libro  diserte  subscripsisset,  tamen  Genevenses  quasi  [  C  i  ]  Stoicum  fatum  invehentes  notare  quibusdam  videretur.  Pontificios  omitto,  easdem  calumnias  millies  refutatas  nunc  quoque  repetentes.  Pungebant  ista  gravissime  sicuti  par  erat  illius  animum,  et  eo  quidem  acerbius,  quod  ea  fuit  interdum  per  id  tempus  erroris  efficacia,  ut  publica  etiam  autoritate  alicubi  obstructum  os  veritati  videretur.  Neque  haec  fuit  paucorum  annorum  controversia,  sed  hoc  anno  inprimis  bonus  ille  eremita,  quem  supra  diximus,  cum  Calvino  disputaturus  prodiit,  qui  aliquot  ante  annis  quum  ministerium  ambiret  repulsam  passus  iurisconsultus  et  factiosorum  patronus  evaserat.  Causa  coram  senatu  agitata  est  magna  utrinque  contentione:  illo  quidem  impudentia  et  malorum  favore  depugnante,  Calvino  vero  sola  veritatis  autoritate  doctrinam  suam  tuente.  Vicit  ergo  veritas,  et  Calvini  scripta  ipsorum  etiam,  quod  mirum  est,  adversariorum  suffragiis  ut  pia  et  orthodoxa  rursum  comprobata.  Sed  neque  istius  adversarii  aliquot  post  annis  morientis  reticenda  est  resipiscentia,  cuius  etiam  testem  Calvinum  tanto  studio  adhibuit,  ut  non  aliter  sibi  pacem  conscientiae  constare  diceret,  quam  si  Calvinum  sibi  conciliatum  moribundus  agnosceret,  quem  antea  tam  indigne  a  se  impetitum  fateretur  :  cui  etiam  Calvinus  tum  non  modo  non  defuit,  sed  benignissime  consolatum  erexit  et  ad  extremum  usque  confirmavit.  Annus  autem  alter  a  superiore,  nempe  quinquagesimus  tertius  supra  sesquimillesimum,  ad  exitum  festinante  factiosorum  malitia  tam  fuit  turbulentus,  ut  non  ecclesia  modo,  verum  etiam  respublica  extremum  discrimen  adierit.  Siquidem  eousque  illi  progressi  sunt  clamoribus  et  minis,  numero  denique  oppressa  bonorum  libertate,  ut  vetera  de  Calvini  opera.  Voi.  XXI.