21:144  quem  Calvinum  lacesserent,  incitatus,  palam  1)  ausus  est  in  ipso  congregationis  coetu  XVI.  Octobr.,  quum  ille  Ioannis  locus  (8  v.  47)  explicaretur:  Qui  ex  Deo  est,  verba  Dei  audit,  et  quia  non  auditis  ex  Deo  non  estis,  liberum  arbitrium  et  operum  praevisionem  ad  aeternae  praedestinationis  decretum  causis  omnibus  etiam  ordine  superius2)  evertendum,  adiectis  etiam  in  veram  doctrinam  contumeliis  fastuque  mere  seditioso  proferre:  idque  eo  ut  existimatur  audacius  quod  forte  Calvinum  suo  loco  non  sedentem  abesse  crederet.  Et  aberat  quidem  ille  initio.  Sed  eo  sermonem  ingresso  superveniens  pone  alios  nonnullos  sese  continuerat.  Finita  monachi  oratione  Calvinus  repente  apparens,  quamvis  plane  nihil  antea  tale  meditatus,  tum  certe  si  unquam  alias  qui  vir  esset  ostendit.  Siquidem  illum  tot  verbi  divini  testimoniis,  tot  Augustini  praesertim  locis,  tot  denique  tamque  gravibus  argumentis  confutavit,  perculit,  obruit,  ut  omnes  praeter  ipsummet  perfrictae  frontis  monachum  ipsius  vehementer  puderet.  Aderat  in  ipso  audientium  coetu  assessorum  praetoris  unus,  quorum  in  urbe  ius  prehensionis  est.  Is  illum  dimisso  coetu  tanquam  seditiosum  in  custodiam  tradit.  Quid  plura?  Causa  multis  disputionibus  agitata  senatus  Helveticarum  etiam  ecclesiarum  sententiam  percontatus  illum  tum  ut  seditiosum,  tum  ut  mere  Pelagianum  XXIII.  Decembr.  publice  damnatum  urbe  expulit,  fustuariam  poenam  minatus,  si  vel  in  urbe  vel  in  urbis  territorio  esset  deprehensus.  Ipse  postea  in  vicinum  oppidum  demigrans  inultas  magnasque  turbas  dedit,  donec  Bernensi  quoque  ditione  bis  expulsus,  ministerium  in  Gallicis  ecclesiis  ambiens,  quas  tum  pacificas  fore  putabat,  Lutetiam  primum  indeque  Aureliam  veniret,  poenitentiam  miris  artibus  simulans  ultroque  cum  Genevensi  ecclesia  reconciliationem  petens  :  quod  quum  re  ipsa  praestiturus  videretur,  ubi  contra  quam  sperarat  ecclesias  affigi  animadvertit,  repetita  medicina  ad  hostes  evangelii  manifesta  defectione  (uxore  quoque  canonicis  Augustodunensibus  prostituta)  transivit,  unde  nunc  etiam  quibus  potest  maledictis  veritatem  proscindit.  At  Genevae  interea  collegium  ministrorum  in  publico  coetu  veram  de  praedestinatione  doctrinam  adseruit,  publicoque  scripto  deinceps  a  Calvino  comprehensam  comprobavit:  hoc  unum  istis  dissidiis  consequuto  Satana,  ut  caput  hoc  christianae  religionis  antea  obscurissimum  dilucidum  perspicuumque  cunctis  non  contentiosis  evaserit.  Anno  vero  deinceps  sequuto3)  magis  apparuit  quantam  flammam  accendisset  impurus  ille,  licet  1)  add.  tandenic  2)  causis  superius  om.  3)  MCLII.