58:143  143  DIXIEME  SERMON  144  DIXIEME  SERMON.  Genese,  chap.  XXVI.  26.  Abimelech  Roy  de  Gerar,  a  Achuzat  un  sien  ami  ,  et  Phicol  son  Capitaines  vindrent  et  parlemmterent  avec  Isaac.  27.  Lequel  leur  dit,  Qu"  estesvous  venus  faire  vers  moy,  veu  que  vous  me  haissez,  et  m'avez  deschasse  d'avec  vous?  28.  Ils  respondirent,  Nous  avons  veu  que  Dieu  est  avec  toy:  pourtant  nous  avons  dit,  Qu'il  y  ait  serment  entre  toy  et  nous,  et  traitons  alliance,  29.  Que  iu  ne  nous  feras  nul  mal,  comme  aussi  nous  ne  savons  point  touche,  et  ne  savons  fait  nul  tort:  mais  savons  laisse  aller  paisiblement,  d7autant  que  tu  es  benit  de  Dieu.  30.  Il  leur  appresta  donc  un  banquet,  et  mangerent  et  beurent.  31.  Et  se  lever  ent  au  matin,  et  iurer  ent  V  un  a  l'autre  :  puis  Isaac  les  laissa  aller  :  et  s'en  allerent  d'avec  luy  en  paix.  32.  Or  avint  en  ce  mesme  temps  que  les  serviteurs  d'Isaac  vindrent  et  luy  annoncerent  des  nouvelles  du  puits  qu'ils  avoient  cave,  luy  disans,  Nous  avons  trouve  de  Veau.  33.  Et  il  Vappela  Seba,  pource  le  nom  de  la  ville  fut  Berseba,  iusques  au  temps  present.  34.  Et  Esau  aage  de  quarante  ans  print  a  femme  Iudith  la  fille  de  Seri  Hethien,  et  Basemath  fille  d7Elon  Hethien:  35.  Et  icelles  furent  en  fascherie  d'esprit  a  Isaac  et  a  Rebecca.  Combien  que  les  hommes  vivans  en  ce  monde,  soient  suiets  a  beaucoup  de  povretez  et  d'afflictions,  si  est-ce  neantmoins  que  la  pluspart  de  maux  qu'ils  endurent,  procedent  d'euxmesmes,  que  chacun  est  comme  loup  a  son  compagnon.  Nous  sommes  environnez  de  bestes  sauvages,  lesquelles  nous  sont  toutes  ennemies:  il  n'y  a  ne  ciel  ne  terre,  ni  autres  elemens  qui  n'apporte  mille  nuisances.  Nous  ne  saurions  aller  sur  l'eau,  que  nous  ne  soyons  a  demi  pie  de  nostre  mort:  il  ne  faut  qu'une  tourmente  pour  abismer  un  peuple:  la  terre  aussi  a  beaucoup  de  nuisances,  comme  si  Dieu  nous  menacoit  de  tous  costez.  Mais  quand  nous  aurons  fait  comparaison,  il  n'y  a  bestes  sauvages,  ne  ciel  ne  terre,  ne  rien  qui  soit,  qui  moleste  tant  les  hommes,  comme  chacun  est  nuisible  a  son  prochain.  Or  pour  ceste  cause  nous  devons  estimer  que  Dieu  nous  fait  un  bien  singulier,  quand  il  nous  donne  paix,  et  que  nous  ne  sommes  point  outragez  ne  d'un  coste  ne  d'autre,  qu'on  ne  machine  rien  contre  nous,  qu'on  ne  nous  fait  ne  blesseure  ne  dommage:  il  faut  bien  que  la  protection  de  Dieu  besongne  la,  veu  que  chacun  homme  sera  tousiours  comme  un  loup  a  ses  prochains,  ainsi  comme  nous  avons  dit.  Et  c'est  le  but