56:143  143  EXODE.  144  Sanctuaire,  de  tous  ceux  qui  passerent  par  le  denombrement  *)  depuis  l'aage  de  vingt  ans  et  au  dessous,2)  ils  furent  six  cens  trois  mille  et  cinq  cens  cinquante.  27.  Or  ii  y  eut  cent  talens  d'argent  pour  fondre  les  soubassemens  du  Sanctuaire  et  les  soubassemens  du  voile:  assavoir  cent  soubassemens  de  cent  talens,  un  talent  pour  soubassement.  28.  Mais  il  fit  les  chapiteaux  pour  les  piliers  et  mille  sept  cens  et  septante  cinq,  il  revestit  le  dessus  d'iceux,  et  les  entoura  de  liaisons.  29.  L'airain  d'oblation  de  septante  talens,  et  deux  mille  quatre  cens  sicles.  30*  Dont  il  fit  les  soubassemens  de  la  porte  du  tabernacle  de  convenance,  et  l'autel  d'airain  avec  la  grille  d'airain  appartenant  a  iceluy,  et  tous  les  vaisseaux  de  l'autel.  31.  Et  les  soubassemens  a  l'entour  du  parvis,  et  les  soubassemens  de  la  porte  du  parvis,  et  tous  les  cloux  du  tabernacle,  et  tous  les  cloux  du  parvis  a  l'entour.  Chapitre  XXXIX.  1.  Ils  firent  de  hyacintho,  d'escarlate,  et  de  vermeil,  les  vestemens  du  ministere3)  pour  administrer  au  sanctuaire:  si  firent  les  saincts  vestemens  qui  estoyent  pour  Aaron,  comme  l'Eternel  avoit  commande  a  Moyse.  2.  Il  fit  donc  l'Ephod  d'or,  de  hyacinthe,  d'escarlate,  de  vermeil,  et  de  fin  lin  retors.  3.  Et  estendirent  les  lames  d'or,  et  decouperent  par  filets  pour  les  brocher  parmi  le  hyacinthe,  parmi  l'escarlate,  parmi  le  vermeil,  et  parmi  le  fin  lin,  d'ouvrage  d'esguille.  4.  Auquel  ils  firent  les  espaulieres  qui  s'accouployent  a  ses  deux  extremitez.  5.  Et  l'artifice  de  la  ceinture4)  qui  estoit  par  dessus,  estoit  de  mesme  selon  l'ouvrage  d'iceluy:  assavoir  d'or,  de  hyacinthe,  d'escarlate,  de  vermeil,  et  de  fin  lin  retors,  comme  l'Eternel  avoit  commande  a,  Moyse.  6.  Item,  firent  les  pierres  d'Onix  environnees  d'enchasseures  d'or,  et  entaillees  avec  les  noms  des  enfans  d'Israel  d'engraveure  de  cachet.  7.  Et  les  mit  sur  les  espaulieres  d'Ephod  pour  pierres  memoriales  des  enfans  d'Israel,  comme  l'Eternel  avoit  commande  a  Moyse.  8.  Item,  ii  fit  le  pectoral  en  facon  de  broderie  comme  l'ouvrage  d'Ephod:  assavoir  d'or,  de  hyacinthe,  d'escarlate,  de  vermeil,  et  de  fin  lin  retors.  9.  Il  estoit  quarre,  et  le  firent  double.  Sa  longueur  d'une  paume,  et  sa  largeur  d'une  autre  paume  en  quarre.  10.  Et  le  remplirent  de  quatre  rangees  de  pierres:  en  la  premiere  rangee  une  Sardoine,  une  Topaze,  et  une  Esmeraude.  l  l  .  Et  a  la  seconde  rangee  un  Escarboucle,  un  Saphir,  et  un  Iaspe.  12.  Et  a  la  trois-  ')  les  comptes  O.  2)  Lisez:  dessus.  3)  ministrans  O.  46.  4)  bauldrier  O.  bordure  46  suiv.