52:143  143  EPIST.  PAULI  AD  THESSALONICENSES  I  144  fectus  sequetur  ex  oblata  gratia.  Non  quod  ex  seipsis  id  possint,  sed  quia  Deus,  ut  salutem  nostram  inchoat,  nos  vocando:  ita  perficit,  corda  nostra  formando  in  obedientiam.  Summa  ergo  est,  quod  divinae  electionis  testimonium  non  modo  in  Pauli  ministerio  apparuerit,  eo  quod  spiritus  sancti  virtute  fuerit  praeditum:  sed  in  Thessalonicensium  quoque  fide,  ut  haec  conformitas  solida  sit  illius  approbatio.  Dicit  autem:  Imitatores  Dei  et  nostri  fuistis:  quo  sensu  dicitur  credidisse  populus  Deo  et  Mosi  servo  eius.  Non  quod  diversum  aliquid  a  Deo  habuerint  Paulus  et  Moses:  sed  quia  potenter  per  eos  operatus  est,  tanquam  ministros  et  organa.  Dum  amplexi  estis.  Promptitudo  recipiendi  evangelii  imitatio  Dei  vocatur:  quia  sicuti  Deus  liberaliter  se  Thessalonicensibus  obtulerat,  sic  illi  voluntarie  occurrerant.  Dicit,  cum  gaudio  s  p  i  r  i  -  tus  s  a  n  c  t  i  ,  ut  sciamus  non  impulsu  carnis,  aut  propriae  naturae  instinctu  promptos  et  alacres  fore  homines  ad  obsequendum  Deo:  sed  hoc  esse  opus  spiritus  Dei.  Circumstantia  haec,  quod  in  tribulatione  multa  nihilominus  amplexi  fuerint  evangelium,  ad  amplificationem  facit.  Videmus  enim  permultos  non  alioqui  alienos  ab  evangelio,  qui  tamen  crucis  metu  territi,  refugiunt.  Ergo  qui  intrepide  instantes  afflictiones  cum  evangelio  amplecti  non  dubitant,  praeclarum  magnanimitatis  specimen  in  eo  edunt.  Atque  hinc  melius  constat  quam  necessarium  sit  spiritum  hic  nobis  opitulari.  Evangelium  enim  non  rite  nec  sincere,  nisi  laeto  animo,  recipi  potest.  Atqui  nihil  magis  ingenio  nostro  adversum,  quam  in  afflictionibus  gaudere.  7.  Ita  ut  fueritis.  Altera  amplificatio,  quod  suo  exemplo  fideles  quoque  provocaverint:  hoc  enim  magnum  est,  sic  praecurrere  eos,  qui  viam  prius  ingressi  erant,  ut  illis  simus  adiumento  ad  peragendum  suum  cursum.  Typum  (quo  verbo  usus  est  Paulus)  Graeci  appellant  quod  Latinis  est  exemplar,  Gallis  patron  significat:  ergo  tam  illustrem  fuisse  Thessalonicensium  virtutem  in  excipiendis  afflictionibus  scribit,  ut  reliqui  fideles  inde  constantiae  regulam  mutuati  fuerint.  Ad  verbum  autem  reddere  placuit  exemplaria,  ne  frustra  quid  mutarem  ex  graeco  Pauli  sermone.  Deinde  quia  pluralis  numerus  (meo  iudicio)  plus  quiddam  exprimit,  quam  si  dixisset  ecclesiae  illius  corpus  ad  imitationem  esse  propositum  :  quia  sensus  est,  totidem  fuisse  typos,  quot  erant  hominum  capita.  8.  A  vobis  enim  personuit.  Elegans  metaphora,  qua  significat  adeo  vivam  fuisse  eorum  fidem,  ut  suo  veluti  sonitu  alias  gentes  excitaverit.  Sermonem  enim  Dei  personuisse  ab  eis  dicit,  quia  sonora  fuerit  eorum  fides  ad  conciliandam  evangelio  fidem.  Dicit  hoc  non  modo  factum  fuisse  in  vicinis  locis:  sed  etiam  procul  manasse,  ac  exauditum  fuisse  hunc  sonitum,  ut  res  praeconium  suum  non  desideret.