50:143  143  EPIST.  PAULI  AD  CORINTHIOS  II  144  enim  in  re  inferior  fui  summis  apostolis:  tametsi  nihil  sum.  12.  Signa  quidem  apostoli  peracta  fuerunt  inter  vos,  in  omni  patientia,  et  signis,  et  prodigiis,  et  virtutibus.  13.  Nam  quid  est  in  quo  fueritis  inferiores  caeteris  ecclesiis,  nisi  quod  ego  ipse  non  fui  vobis  onerosus?  condonato  mihi  hanc  iniuriam.  14.  Ecce,  tertio  propensus  animo  sum  ut  veniam  ad  vos,  neque  vobis  ero  oneri.  Non  enim  quaero  quae  vestra  sunt,  sed  vos.  Etenim  non  debent  filii  parentibus  recondere,  sed  parentes  filiis.  15.  Ego  vero  libentissime  impendam  et  expendar  pro  animabus  vestris:  licet  uberius  vos  diligens,  minus  diligar.  11.  Factus  sum  insipiens*  Variis  excusationibus  hactenus  veniam  deprecatus  fuerat:  quod  praeter  morem  institutumque  suum,  praeter  decorum  etiam  et  apostolici  officii  rationem,  suas  glorias  praedicaret.  Nunc  loco  deprecationis  exprobratione  utitur,  culpam  reiiciens  in  Corinthios,  qui  has  vices  debuerant  occupare.  Nam  quum  Paulo  detraherent  pseudoapostoli,  debuerant  strenue  se  opponere  et  fideliter  reddere  debitum  eius  virtutibus  testimonium.  Mature  vero  eos  obiurgat,  ne  defensionem,  quam  eorum  ingratitudine  coactus  attulit,  in  sinistram  partem  vertant,  vel  pergant  obstrepere,  qui  erga  eum  erant  male  affecti.  Nulla  enim  in  re.  Ingrati  sumus  Deo,  si  patimur  eius  dona  (quorum  sumus  testes)  ab  improbis  et  malignis  vituperari  aut  vilipendi.  Huius  culpae  reos  facit  Corinthios.  Ipsum  enim  summis  apostolis  parem  cognoverant:  et  tamen  aures  praebebant  calumniatoribus,  quum  iiii  detraherent.  Per  summos  apostolos  nonnulli  aemulos  eius  intelligunt,  qui  sibi  primas  arrogabant.  Ego  autem  intelligo  etiam,  qui  praecipui  erant  inter  duodecim:  quasi  diceret:  Cum  quovis  apostolorum  conferar:  non  timeo  ne  reperiar  minor.  Tametsi  enim  Paulo  optime  cum  apostolis  omnibus  conveniebat,  ut  prae  se  eos  extollere  paratus  esset:  erat  tamen  illi  certamen  cum  ementitis  eorum  nominibus.  Hoc  enim  praetextu  abutebantur  pseudoapostoli,  se  fuisse  in  contubernio  duodecim,  omnes  eorum  sensus  tenere,  habere  cognita  omnia  eorum  instituta:  et  similibus.  Ergo  quum  istis  larvis  aut  fucatis  titulis  videret  Paulus  falso  eos  superbire  et  apud  imperitos  proficere:  ad  illam  comparationem  descendere  necesse  habebat.  Correctio  addita  tametsi  nihil  sum  significat  Paulum  nihil  velle  sibi  proprium  sumere,  sed  tantum  in  Domino  gloriari.  Nisi  forte  magis  placeat  concessionem  esse,  in  qua  exprimat  quid  de  se  a  malevolis  et  obtrectatoribus  iactetur.  12.  Signa  quidem  apostoli.  Signa  apostoli  accipit  pro  sigillis,  quae  ad  obsignandam  apostolatus  fidem  valent,  vel  certe  pro  argumentis  aut  probationibus:  ac  si  dixisset:  Deus  apostolatum  meum  inter  vos  ita  confirmavit  ut  nullam  approbationem