5:143  DE  CLEMENTIA  suae  parvae  videntur;  multi  eas  gravius  aequo  habuere.  Aratrum  vetustis  urbibus  inducere]  Periphrastice  designat  urbium  subversionem,  quibus  condendis  et  evertendis  consuetudo  fuit  adhibere  aratrum.  Vergilius  Aeneidos  V.:  Interea  Aeneas  urbem  designat  aratro.  Horatius  Carminum  L:  Irae  Thyesten  exitio  gravi  Stravere,  et  altis  urbibus  ultimae  Stetere  causae,  cur  perirent  Funditus,  imprimeretque  muris  Hostile  aratrum  exercitus  insolens.  In  ordinem  eoactani]  Id  est  in  privatum  modum,  et  quasi  unius  e  populo,  tracta,  ut  quidam  volunt,  metaphora  a  disciplina  militari,  qua  milites  gregarii  in  suum  quisque  locum  et  ordinem  coguntur.  Priscianus  libro  XVIII.  :  In  ordinem  coactus,  inquit,  inter  viles  et  abiectos  numeratus.  Livius  libro  VI.  :  Aut  huic  rogationi  qua  se  in  ordinem  cogi  videbat,  obsistere  potuit:  aut  ne  illas  quidem,  propter  quas  et  baec  lata  erat,  impedire.  Mereri  dementia  civicam]  Quo  facilius  huius  loci  sensum  assequatur  lector,  sic  paucis  accipiat,  civicam  coronam  donari  antiquitus  solitam  ei  qui  civem  in  praelio  servasset,  quasi  testem  vitae  salutisque  receptae.  Ideo  e  fronde  querna  componebatur,  quod  cibus  vetustissimus  querceus  fuerit,  inquit  Gellius.  Addit  Plutarchus  alias  rationes  tum  in  Problematis,  tum  in  vita  M.  Coriolani:  seu  quia  Iovi  sacrata  est  quercus,  seu  quod  facilem  [pag.  137]  militi  cibum  tum  passim,  tum  promptius  exhibet:  seu  quia  inter  omnes  sylvestres  arbores  fertilissima,  ex  qua  cibus  glandes,  potus  mulsum,  obsonium  ferae  atque  alites