42:143  143  SERMON  XLV.  144  si  est-ce  qu'il  n'y  ha  celuy  qui  ne  doive  enseigner  ses  prochains  selon  qu'il  en  ha  la  faculte  et  le  moien,  comme  si  nous  avons  quelque  petit  grain  de  la  foy,  Dieu  le  tient  et  approuve  pour  bon,  car  voici  un  article  general  qu'il  attribue  a  ses  enfans,  c'est  a  scavoir  qu'ils  soient  entendus,  encores  donc  que  nous  soions  debiles  en  la  foy,  ie  parle  des  plus  idiots  et  ignorans,  si  est-ce  qu'il  n'y  en  ha  point  de  si  ignorant  qu'il  ne  puisse  donner  quelque  instruction  a  son  prochain,  et  aussi  il  faut  qu'un  chacun  s'emploie  et  s'efforce  tant  qu'il  pourra  d'amener  les  autres  a  salut,  et  mesmes  il  aviendra  que  ceux  qui  auront  office  d'enseigner,  qu'ils  pourront  bien  estre  redresses  par  les  autres,  celuy  qui  va  devant  echappera  en  faisant  chemin,  et  un  autre  qui  le  suit,  et  qui  viendra  apres  luy  tiendra  la  main,  nous  verrons  (di-ie)  les  grands  personnages  que  Dieu  voudra  humilier  qui  tomberont,  et  il  y  en  aura  d'autres  qui  seront  plus  infirmes,  qui  n'auront  point  receu  de  graces  de  Dieu  si  excellentes,  qui  toutesfois  seront  pour  les  relever.  Voila  comme  Dieu  nous  tient  en  crainte,  a  fin  qu'il  ne  nous  advienne  de  nous  eslever,  et  que  nul  ne  se  contente  de  sa  personne,  mais  que  nous  soions  aides  ies  uns  des  autres.  Ainsi  donc  notons  que  si  nous  sommes  superieurs,  il  faut  aussi  que  nous  soions  maistres  de  ceux  lesquels  nous  pourrons  enseigner,  que  tous  soions  comme  medecins,  de  ceux  que  nous  pourrons  guarir,  et  que  nous  soions  prests  d'aider  et  soustenir  ceux  qui  seront  foibles  et  debiles,  cela  n'empesche  pas  cependant  l'ordre  de  l'Eglise,  qu'il  y  ait  des  docteurs  qui  aient  la  charge  et  commission  d'annoncer  la  doctrine  de  Dieu,  mais  si  faut  il  que  nous  regardions  ce  que  Dieu  nous  donnera  du  moien,  et  qu'un  chacun  s'y  aplique.  Nous  avons  aussi  a  observer  ce  mot  ou  l'ange  dit,  qu'en  enseignant  les  ignorans  et  les  incredules,  nous  les  iustifions,  par  cela  il  monstre  que  la  doctrine  de  l'Evangile  est  pour  nous  iustifier  devant  Dieu,  et  non  sans  cause,  ce  mesme  article  luy  est  attribue  au  cinquante  troisieme  d'Esaie  le  prophete,  car  la  il  est  dit,  que  Iesus  Christ  iustifiera  le  monde  par  sa  presence,  comme  s'il  estoit  dit  que  tout  le  monde  est  pervers  et  maudit,  nous  sommes  tous  coulpables  de  mort,  qu'on  cerche,  qu'on  sonde,  qu'on  examine,  et  qu'on  espeluche  tout  ce  qu'on  voudra,  et  on  ne  trouvera  aux  hommes  que  toute  iniustice  et  iniquite:  quel  est  le  moien  donc  de  nous  iustifier?  c'est  que  Dieu  nous  appele  a  sa  connoissance,  par  nostre  Seigneur  Iesus  Christ.  Et  voila  pourquoy  l'ange  dit  ici,  que  ceux  qui  en  auront  iustifie  plusieurs,  que  ceux  la  luiront  comme  les  estoilles,  or  ceux  qui  ont  la  charge  de  prescher  la  parole  de  Dieu,  et  en  general  tous  superieurs  qui  admonestent,  qui  enseignent,  et  qui  exhortent  leurs  prochains  doivent