27:143  143  SEEMON  LXXIX.  144  et  douteux,  et  perplex  du  salut  de  nos  ames  :  et  neantmoins  qu'est-ce  que  nous  devons  plus  priser?-  Mais  si  est-ce  que  Dieu  est  prest  de  nous  asseurer:  comme  il  nous  certifie  par  sa  parolle,  que  nous  ne  pourrons  faillir  en  luy  obeissant.  Nous  oyons  cela:  Dieu  nous  peut-il  mentir?  Allons  donc  selon  qu'il  nous  a  commande:  nous  n'en  voulons  rien  faire.  Et  quefaisons-nousaulieu?  Ie  pense,  ie  cuide.  Voila  ou  nous  en  sommes.  Regardons  comment  en  sont  les  Papistes.  Quand  il  est  question  de  prier  Dieu,  ils  auront  bien  cela  bon,  qu'ils  cognoissent  qu'ils  ne  sont  pas  dignes  de  venir  a  luy.  Il  est  vray.  Mais  voici  Dieu  qui  nous  donne  le  remede,  c'est  que  nostre  Seigneur  Iesus  Christ  nous  sera  advocat:  et  quand  il  intercedera  pour  nous,  que  nous  serons  receus,  et  que  Dieu  exaucera  toutes  nos  prieres.  Voila  une  chose  qui  nous  est  toute  asseuree  par  l'Escriture  saincte.  Or  que  font  les  Papistes?  Ie  ne  suis  pas  digne  d'aller  a  Dieu  :  et  ainsi  i'iray  cercher  la  vierge  Marie,  S.  Michel,  et  S.  Pierre  :  et  puis  la  dessus  ils  se  forgent,  et  bastissent  encores  des  saincts  a  leur  poste.  Et  comment?  Nous  estions  asseurez  que  nostre  Seigneur  Iesus  Christ  ne  nous  deffaudra  point:  puis  que  cest  office  luy  est  donne  de  Dieu  son  Pere,  il  s'en  acquittera:  que  n'allons-nous  donc  droit  a  luy?  Car  il  nous  sera  une  bonne  adresse:  il  nous  dit:  Venez  a  moy:  il  nous  convie  tant  doucement.  Et  puis  nous  avons  des  promesses  infinies,  que  quand  nous  serons  venus  a  luy,  nous  ne  serons  point  frustrez  de  nostre  attente:  et  sur  cela  nous-nous  arresterons  a  nostre  cuider,  pour  dire:  II  me  semble  qu'il  sera  bon  d'aller  a  S.  Michel,  ou  a  nostre  dame.  Nous  venons  donc  reietter  la  certitude  que  Dieu  nous  donnoit,  pour  prendre  une  chose  incertaine  :  autant  en  est-il  de  tout  le  reste.  Car  en  servant  a  Dieu  selon  sa  Loy,  nous  sommes  asseurez  que  cela  luy  sera  agreable.  Les  Papistes  iront  inventer  ceci  et  cela,  et  delaisseront  la  Loy  de  Dieu:  ne  est-ce  pas  suyvre  l'incertain,  et  ce  qui  estoit  certain  le  reietter?  Et  cela  est  contre  nature.  Ainsi  on  voit  que  nous  sommes  aveuglez  de  Satan,  et  que  nostre  malice  est  monstrueuse.  Car  nous  avons  tout  le  contraire  en  nous  de  nature.  Nous  saurons  bien  dire:  Ie  voudroye  estre  asseure,  et  nous  fait  mal  d'aller  a  l'aventure:  et  en  ceci  nous  sommes  si  enragez,  qu'on  ne  nous  peut  tenir,  ni  a  chordes,  ni  a  chaines.  Quand  i'ay  allegue  ces  exemples,  c'est  pour  monstrer  comme  nous  devons  prattiquer  ceste  doctrine:  car  en  tout  et  par  tout  on  trouvera  que  les  hommes  se  sont  alienez  de  Dieu  a  leur  escient.  Et  pourquoy?  Car  quand  Dieu  s'est  manifeste  a  eux,  ils  n'ont  daigne  se  tenir  a  luy:  mais  plustost  se  sont  amusez  a  leurs  songes,  et  a  leurs  resveries.  Il  est  vray  qu'ils  diront  bien  :  Nous  savons  qu'il  y  a  un  Dieu  createur  du  ciel  et  de  la  terre:  mais  cependant  ils  se  bastissent  une