21:143  143  THEODORI  BEZAE  144  constaret,  cuius  tamen  causa  litem  non  esse  movendam  Calvinus  existimavit.  Offendiculum  autem  inde  a  nonnullis  acceptum  Calvino  [B  8]  praebuit  libelli  de  Scandalis  scribendi  occasionem,  Laurentio  Normendio1)  integerrimo  veterique  amico  inscripti.  Huius  autem  biennii  tranquillitatem  dissidia  sequentis,  quinquagesimi  primi  nempe  supra  sesquimillesimum,  facile  compensarunt.  Nam  praeterquam  quod  toti  ecclesiae  ac  Calvino  nominatim  luctuosus  fuit  Buceri  morte,  quem  virum  summe  dilexerat,  itemque  Ioachimi  Vadiani  consulis  Sangallensis,  viri  singulari  tum  pietate  tum  eruditione  praediti  interitu,  efferbuit  factiosorum  improbitas  eo  ardentius  ,  quo  diutius  sopita  delituerat  :  adeo  ut  palam  negarent  cum  adventantibus  exsulibus  ius  civitatis  communicandum,  nec  eo  contenti  Calvinum  ipsum  ex  concione  trans  Rhodanum  habita  redeuntem  per  ludibrium  pulsarint,  et  Raymundum  eius  collegam  nocte  forte2)  pontem  Rhodani  transeuntem  exempta  furtim  sublica  paene  in  subiectum  fluvium  praecipitarint:  denique  in  ipso  Divi  Gervasii  templo  tumultum  non  parvum  eo  praetextu  excitarint,  quod  minister  infanti  ad  baptismum  oblato  indere  Balthasaris  nomen,  (quoniam  id  diserte  leges3)  scriptae  ob  certam  causam  prohibebant)  recusaret.  Neque  tum  adversus  haec  mala  quidquam  erat,  quod  Calvinus  opponeret,  praeter  fortem  invictamque  patientiam.  Sed  et  aliud  novum  malum  Genevensem  ecclesiam  per  id  tempus  invasit.  Dedit  autem  occasionem4)  Hieronymus  quidam  Bolsecus  ex  Carmelitarum  societate  Lutetiae  monachus:  qui  quum  aliquot  ante  annos  cuculla  quidem  abiecta  sed  monachismo  retento5)  profugisset,  idem  etiam  decepta  Ferrariensi  Ducissa  ab  ea6)  pulsus  ac  tandem  triduo  medicus  factus  Genevam  venerat:  ubi  quum  inter  eruditos  medicos  nullo  loco  esset  ut  sese  theologum  esse  ostenderet,  falsum  et  absurdum  7)  quiddam  de  praedestinatione  inter  aliquos8)  ac  tandem  etiam  in  congregationis  coetu  blateravit.  Eum  Calvinus  primum  moderata  reprehensione  contentus9)  refutaverat,  deinde  ad  se  vocatum  docere  meliora  fuerat  conatus.  At  ille,  sive  ambitione  monastica  percitus,  sive  ab  illis  factiosis  iampridem  quaerentibus,  per  1)  Nomen  Nickelius  e  provincia  Normannia  interpretatur,  quod  fortasse  de  viri  atavis  valet.  2)  Recentiores  add.  ad  invisendum  aegrotum.  3)  Eaedem  add.  iampridem.  4)  Huius  causa  fuit.  {Rece.)  5)  Eaedem  add.  in  Italiam.  6)  om.  ab  ea.  7^  mere  Pelagianum  (eaedem).  8)  add.  privatim  primum  el  om.  ac  tandem  in  congregationis  coetu.  9)  add.  domi.