20:143  143  EPISTOLAE  4015.4018  144  non  protinus  obsequar.  Pridem,  quia  mihi  suspectus  erat,  serio  denunciavi  apertum  me  hostem  fore  si  Blandratam  foveret.  Perfidiose  respondit,  se  ab  eius  erroribus  esse  alienissimum.  Fefellit,  ut  video:  nec  vero  tunc  aliter  iudicavi.  Terum  quia  de  Blandrata  publice  et  privatim  libere  professus  eram  quod  opus  erat,  putavi  me  officio  esse  defunctum,  quia  idem  iudicium  ad  omnes  eius  asseclas  patebat.  Parum  vero  humaniter  mecum  agis,  dum  mihi  praestandum  censes  quidquid  delinquit  Lismaninus,  quia  commendatione  mea  ornatus  ad  vos  venerit.4)  Quasi  vero  non  hic  ostentasset  magnifica  encomia  quibus  eum  Poloni  usque  in  coelum  extulerant.  Quum  ad  vos  reverti  in  animo  haberet,  et  miro  promovendi  evangelii  zelo  se  flagrare  simularet,  fratres  hortatus  sum  ut  eum  amice  amplecterentur,  qui  pro  sua  autoritate  futurus  esset  utilis  adiutor.  Terum  quando  hanc  legem  mihi  praescribis,  posthac  in  commendandis  hominibus  parcior  ero  et  cautior,  atque  ut  in  eo  laudando  liberalior  fuerim,  cur  non  vestrae  potius  experientiae  quam  verbis  meis  creditis?  Scio  te  aliorum  causa  id  postulare,  sed  nemo  tam  caecus  est  qui  non  videat,  damnato  Blandrata  simul  involvi  Lismaninum,  ut  supervacuum  sit  hominem  relicta  causa  vexari.  Quin  potius  tibi  et  aliis  persuasum  esse  cupio,  me  cum  impietate  magis  congredi  quam  adversus  ipsas  personas  confligere.  Nec  dubito  quin  ultro  ad  hunc  affectum  sis  propensus:  sed  quia  saepe  contentio  caliginem  obducit,  obsecro  te,  mi  frater,  ad  oppugnandum  diabolicum  errorem  totis  nervis  enitere.  Si  se  opposuerit  Lismaninus,  viriliter  eius  insaniae  resistendum  erit.  Si  clandestinis  artibus  se  occultet,  Deus  brevi  eius  fraudes  protrahet  in  lucem.  Tale,  eximie  vir  et  frater  mihi  ex  animo  colende.  Dominus  tibi  semper  adsit,  spiritu  prudentiae  gubernet  laboresque  tuos  benedicat.  Genevae.5)  4)  Vide  epp.  ad  Polonos  scriptas  m.  Dec.  1555.  5)  Be  tempore  scriptae  epistolae  haec  habe*  Aliquamdiu  post  Martium  et  pacificationis  edictum  exaratam  esse  patet.  Videtur  maxime  respicere  literas  Tkretii  N.  3932.  Simlerus  de  m.  Augusto  cogitavit,  quem  nos  sequuti  sumus  quamvis  non  omnino  confidenter,  et  si  tu  minus  recentem  putaveris  non  obloquemur.