9:142  mines  plus  satis  bardos  punctiones  saltem  aliquas  sensisse.  Virulentiam  autem  in  se  magis  quam  in  libro  reperient.  Quacunque  tamen  contumelia  dignus  sit  Westphalus,  tam  violenter  eum  exagitare  non  debui.  Itaque  exclamat,  ingenium  meum,  remoto  omni  velamine,  fuco  et  praetextu,  uno  hoc  scripto  fuisse  detectum,  imo  etiam  me  hactenus  personatum')  ambulasse  fingit.  Ego  vero,  quam  mihi  Deus  personam  imposuit,  ita  per  eius  gratiam  sustineo,  ut  fidei  meae  sinceritas  satis2)  refulgeat.  Atque  utinam  dimidia  ex  parte  Westphali  et  similium  integritas  simili  fructu  constaret!  Neque  enim  aliis  invideo,  quin  me  centuplo  superent:  sed  ignavos  fucoss)  aliorum  industriae,  quam  imitari  nequeunt,  [pag.  6]  obstrepere,  minime  ferendum  est.  Caeterum,  ut  probet  omni  Dei  timore,  modestia,  humilitate,  patientia  me  esse  vacuum,  nihil  denique  habere  dignum  servo  Christi,  exprobrat  quod  ego  horribili  illa  sententia  Christi  non  commotus:  Quisquis  dixerit  fratri  suo  Fatue,  reus  erit  gehennae  ignis,  multas  chartas  plus  quam  sexcentis  conviciis  maculaverim.  Dicas  hic  Iulianum  apostatam,  dum  crudeliter  saevit  in  totum  christianum  nomen,  de  crucis  tolerantia  per  ludibrium  concionari.  Qui  hactenus  millies  sibi  permisit  sine  modo  vel  temperie  aliqua  vociferari  contra  fideles  Christi  servos,  et  subinde  haereticos,  impios,  blasphemos,  versutos,  falsarios,  pestes  ac  diabolos  vocitare,  hanc  suam  temeritatem  libere  uno  verbo  coargui  non  sustinet.  Si  levitatem  et  incogitantiam  in  Galatis,  quia  nimis  faciles  ac  creduli  fuerant,  Paulus  amentiae  nomine  perstringere  non  dubitavit  (Gal.  3,  1),  ubi  quis  phrenetico  impetu  [pag.  7]  insurgit  contra  Christi  doctrinam,  eiusque  veros  professores,  qua  vehementia  compesci  haec  temeritas  meretur?  Uti-  1)  masque  comme  iouant  un  personnage.  2)  assez  naifvement.  3)  des  fayneans,  qui  sont  comme  les  bourdons  entre  des  mousches  a  miel,  viennent  a  descrier  par  leur  bruit  estourdi  le  labeur  et  l'industrie  des  autres  etc.