52:142  posterius  ad  prioris  declarationem  sit  additum,  Certitudo  quam  tertio  loco  ponit,  vel  in  re  fuit,  vel  in  Thessalonicensium  affectu.  Ego  magis  notari  puto,  quod  solidis  argumentis  sancitum  fuerit  illic  Pauli  evangelium  :  ac  si  Deus  e  coelo  ostenderet  ratam  sibi  esse  eorum  vocationem.  Quum  autem  Paulus  in  medium  argumenta  profert,  quibus  electionem  Thessalonicensium  prorsus  divinam  esse  certior  factus  erat:  hac  occasione  simul  commendat  suum  ministerium,  ut  ipsi  quoque  agnoscant  eum  et  collegas  divinitus  fuisse  excitatos.  Quidam  sub  p  o  t  e  n  t  i  a  e  nomine  miracula  intelligunt.  Ego  latius  extendo  ad  spiritualem  doctrinae  energiam.  Nain  ut  in  priore  ad  Corinthios  epistola  habuimus,  eam  sermoni  Paulus  opponit:  tanquam  vivam  Dei  vocem  et  cum  effectu  coniunctam,  inani  et  mortuae  hominum  facundiae.  Notandum  autem  est,  electionem  Dei^  quae  per  se  abscondita  est,  suis  notis  patefieri,  dum  oves  perditas  ad  se  colligit  et  gregi  suo  coadunat,  vagisque  et  alienis  manum  porrigit.  Quare  hinc  petenda  electionis  notitia  est.  Caeterum  ut  arcanum  Dei  consilium  vocationem  eius  negligentibus  labyrinthus  est:  ita  perverse  faciunt  qui  fidei  et  vocationis  praetextu  obscurant  primam  illam  gratiam  unde  manat  ipsa  fides.  Fide  j  inquiunt,  salutem,  consequimur:  ergo  nulla  est  aeterna  Dei  praedestinatio  quae  nos  a  reprobis  discernat.  Perinde  ac  si  dicerent,  ex  fide  est  salus:  ergo  nulla  est  Dei  gratia  quae  nos  in  fidem  illuminet  Quin  potius  j  ut  coniungi  electio  gratuita  cum  vocatione  debet,  tanquam  cum  suo  effectu:  ita  primatum  interim  retineat  necesse  est.  Particulam  ono  coniungasne  cum  participio  dilecti,  an  cum  nomine  electionis,  parum  interest  quoad  sensum.  5.  Quemadmodum  nostis,  ete.  Nunc  Paulus  agit  quod  prius  dixi,  ut  iisdem  adducti  rationibus  Thessalonicenses  non  dubitent  se  a  Deo  electos  esse.  Nam  hoc  fuerat  Dei  consilium  in  ornando  Pauli  ministerio,  ut  manifestam  illis  faceret  suam  adoptionem.  Ideo  postquam  dixit  illos  scire  quales  fuissent,  continuo  post  addit,  talem  se  fuisse  eorum  causa:  quo  significat  totum  hoc  fuisse  illis  datum,  ut  certo  persuasi  essent  amari  se  a  Deo,  ac  eorum  electio  extra  controversiam  esset.  6.  Et  vos  imitatores  nostri  facti  estis  et  Domini,  dum  sermonem  amplexi  estis  in  tribulatione  multay  cum  gaudio  spiritus  sancti:  7.  ita  ut  fueritis  exemplaria  omnibus  credentibus  in  Macedonia  et  Achaia.  8.  A  vobis  enim  personuit  sermo  Domini:  nec  in  Macedonia  tantum  et  in  Achaia,  sed  etiam  in  omni  loco  fides  vestra,  quae  in  Deum  est,  manavit:  ita  ut  non  opus  habeamus  quidquam  loqui.  6.  Et  vos  imitatores.  Ut  illis  plus  alacritatis  addat,  mutuum  consensum  et  quasi  harmoniam  praedicat  inter  suam  praedicationem  et  eorum  fidem.  Nisi  enim  Deo  respondeant  homines,  nullus  pro-