51:142  sterium  a  saeculis  absconditum:  sed  cuius  dispensatio  fuerit  sibi  commissa.  Circa  finem  iterum  precatur  ut  Deus  imbuat  Ephesios  solida  Christi  intelligentia,  ne  quid  aliud  scire  appetant.  Finis  autem  est,  non  tantum  ut  tot  beneficiorum  memores  gratos  se  Deo  praestent,  idque  testentur  se  totos  illi  consecrando:  sed  magis  ut  omnem  illis  de  sua  vocatione  dubitationem  eximat.  Est  enim  verisimile,  veritum  suisse  Paulum  ne  fidem  eorum  turbarent  pseudoapostoli,  quasi  ex  dimidio  tantum  fuissent  instituti.  Fuerant  enim  gentiles,  et  purum  christianismum  amplexi,  nihil  de  caeremoniis,  nihil  de  circumcisione  audierant.  At  vero  qui  legem  ingerebant  Christianis,  clamitabant  omnes  profanos  esse  qui  non  essent  per  circumcisionem  Deo  initiati.  Nam  haec  communis  erat  eorum  cantilena,  neminem  debere  censeri  in  populo  Dei,  nisi  circumcisum:  servandos  esse  omnes  ritus  a  Mose  praeceptae.  Ideo  Paulum  calumniabantur,  quod  gentibus  peraeque  ac  Iudaeis  Christum  faceret  communem:  et  eius  apostolatum  asserebant  esse  coelestis  doctrinae  profanationem,  quod  foedus  gratiae  impuris  hominibus,  sine  delectu  prostitueret.  Ergo  ne  talibus  calumniis  impetiti  Ephesii  labascerent,  illis  subvenire  voluit.  Itaque  quum  tam  diligenter  ideo  vocatos  ad  evangelium  fuisse  disputat,  quia  electi  fuerint  ante  mundi  creationem  :  ex  adverso  prohibet  ne  temere  sibi  allatum  fuisse  evangelium  existiment  hominis  voluntate,  aut  advolasse  fortuito:  quia  nihil  aliud  fuerit  Christi  praedicatio  apud  eos,  quam  aeterni  illius  decreti  publicatio.  Quum  prioris  vitae  infelicem  statum  ob  oculos  ponit,  simul  admonet,  raram  et  admirabilem  Dei  misericordiam  fuisse,  quod  ex  tam  profundo  gurgite  emerserint.  Quum  de  apostolatu  sibi  erga  gentes  mandato  concionatur,  confirmat  eos  in  recepta  semel  fide:  quia  divinitus