50:142  Libentissime  igitur.  Haec  posterior  sententia  confirmat  expositionem  quam  dedi.  Gloriabor,  inquit,  super  infirmitatibus  meis,  ut  inhabitet  in  me  v  i  r  t  u  s  Christi.  Ergo  quem  pudet  huius  gloriae,  is  ianuam  Christi  virtuti  claudit,  et  eam  quodammodo  a  se  repellit.  Tunc  enim  locum  damus  Christi  gratiae,  dum  vera  animi  submissione  infirmitatem  nostram  sentimus  et  confitemur.  Valles  pluvia  rigantur  ad  foecunditatem,  quum  interea  summi  aliorum  montium  vertices  sicci  manent.  Valli  sergo  fiat,  qui  coelestem  spiritualis  Dei  gratiae  pluviam  vult  suscipere.  Addit  libentissime,  ut  ostendat  se  tanto  gratiae  Christi  desiderio  ardere,  ut  eius  adipiscendae  causa  nihil  recuset.  Quia  permultos  videmus  Deo  quidem  cedere,  quia  sacrilegium  metuunt  in  appetenda  eius  gloria,  non  tamen  nisi  invitos:  vel  certe  minus  liberaliter  quam  decebat.  10.  Placeo  mihi  in  infirmitatibus.  Non  dubium  est  quin  diverso  sensu  vocabulum  infirmitatis  usurpet:  nam  ita  prius  nominabat  punctiones,  quas  in  carne  sua  sentiebat.  Nunc  vocat  externa  accidentia,  quae  contemptum  afferunt  coram  mundo.  Sed  postquam  in  genere  de  infirmitatibus  omne  genus  loquutus  est,  nunc  ad  speciem  illam  redit,  cuius  occasione  ad  generalem  illum  sermonem  digressus  erat.  Notemus  ergo  infirmitatis  nomen  esse  generale:  ac  sub  eo  contineri  tam  naturae  nostrae  imbecillitatem,  quam  omnia  abiectionis  argumenta.  Agebatur  autem  de  externa  Pauli  abiectione:  longius  provectus  est,  ut  ostenderet  se  modis  omnibus  humiliari  a  Domino,  quo  melius  gloria  Dei  in  eius  vitiis  splendesceret  :  quae  quodammodo  sub  hominis  altitudine  latet  et  obruitur.  Nunc  iterum  ad  suas  virtutes  redit,  quae  tamen  eum  despicabilem  vulgo  magis  reddebant  quam  pretium  et  laudem  afferrent.  Quum  enim  infirmus  sum.  Hoc  est,  quo  pius  mihi  deest  apud  me,  eo  mihi  liberalius  ex  virtute  sua  Dominus  sufficit  quidquid  opus  esse  videt.  Nam  philosophica  fortitudo  nihil  aliud  est  quam  contumacia,  vel  potius  insana  animositas,  qualis  in  phreneticis  esse  solet.  Qui  vere  fortis  esse  cupit,  ille  simul  debilis  esse  ne  recuset.  Sit,  inquam,  in  se  ipso  debilis,  ut  fortis  sit  in  Domino.  Si  quispiam  obiiciat,  Paulum  hic  non  de  virium  defectu,  sed  de  paupertate  et  aliis  afflictionibus  loqui:  respondeo,  omnia  haec  exercitia  esse  ad  patefaciendam  nobis  nostram  imbecillitatem.  Nisi  enim  Paulum  talibus  probationibus  Deus  exercuisset,  nunquam  tam  probe  illi  perspecta  fuisset  sua  infirmitas.  Ergo  non  paupertatem  modo  et  quascunque  aerumnas  respicit,  sed  etiam  qui  inde  consequuntur  effectus:  ut  sunt  imbecillitatis  nostrae  agnitio,  diffidentia  nostri  et  humilitas.  11.  Factus  sum  insipiens  gloriando:  vos  me  coegistis.  Nam  ego  debueram  a  vobis  commendari.  Nulla