44:142  Quid  enim  melius  spem  nostram  fulcire  potest?  quid  etiam  plus  potest  dare  animi  ad  precandum,  quam  ubi  agimus  cum  Deo  secundum  eius  promissiones?  Deus  enim  vult  vota  nostra  fundata  esse  primum  in  bonitate  sua  gratuita:  deinde  in  constantia  fidei  et  veritatis  suae.  Quum  ergo  sic  Deum  alloquuntur,  Domine  tu  verax  es:  atqui  tu  hoc  nobis  es  pollicitus:  freti  verbo  tuo  nunc  audemus  hoc  petere,  quod  alioqui  non  licebat,  certe  non  excedunt  modum  quasi  legem  praescriberent:  sed  avide  recipere  appetunt  quod  ultro  oblatum  fuit.  Videmus  ergo  angelum  hic  non  conqueri  de  mora,  nisi  quia  fundatus  est  in  vaticinio  illo  tam  celebri,  quo  Deus  praefixerat  tempus  septuaginta  annorum  populo  suo.  Qui  autem  hunc  locum  arripiunt,  ut  ostendant  populum  reversum  fuisse  ante  tempus,  nimis  frivola  argutia  nituntur,  neque  enim  angelus  dicit  eo  ipso  die  quo  suscepit  hanc  precationem  finitum  fuisse  tempus  exsilii:  sed  quia  iam  elapsum  erat,  imo  praeterierant  complures  anni,  ex  quo  coeperat  reverti  populus:  et  tamen  nondum  conspicua  erat  illa  gratia,  quam  speraverant  fideles:  ideo  angelus  conqueritur  septuaginta  annos  elapsos  esse,  et  tamen  restitutionem  qualis  fuerat  promissa  nondum  conspici.  Quod  autem  populus  nunquam  reversus  fuerit  nisi  finito  exsilii  tempore,  ostendimus  multis  et  firmis  rationibus.  Et  perverse  faciunt  qui  obscurant  gratiam  Dei  in  populi  reditu:  quia  non  fuerit  illa  redemptio  de  qua  toties  concionati  fuerant  prophetae.  Eripiunt  igitur  Deo  summum  hunc  honorem.  Deinde  scriptura  multis  locis  testatur  Darium  et  Cyrum  fuisse  instinctu  Dei  et  arcana  spiritus  directione  huc  impulsos.  Sequitur  ergo  opus  fuisse  Dei  redemptionem  illam.  Deus  autem  novit  moderari  singulos  temporum  articulos,  ut  satis  notum  est  piis  omnibus.  Imo  hinc  colligimus,  quam  stulti  et  insipidi  sint  interpretes,  qui  abusi  sint  hoc  dicto  angeli,  quia  querimonia  iniusta  esset,  nisi  tempus  fuisset  prius  elapsum.  Quia  ergo  distulerat  gratiam  suam  Deus,  saltem  non  manifestaverat  ut  optandum  fuisset,  ideo  angelus  in  medium  proponit  septuaginta  annos.  Dixi  melius  quadrare  urbes  Iehudah  fuisse  contemptas  a  Deo.  Si  quis  tamen  sequi  malit  diversam  interpretationem  ,  non  contendo.  Sed  quisquis  propius  expendet  prophetae  mentem,  facile  subscribet  opinor,  contemptas  fuisse  vel  reiectas  a  Deo  urbes  Iehudah,  quia  nullum  signum  misericordiae  daret.  Nunc  sequitur:  13.  Et  respondit  Iehova  angelo  mecum  loquenti  verba  bona  (vel  dulcia),  verba  cwisolatoria.  Hic  propheta  ostendit  Deum,  etiamsi  non  primo  statim  die  manum  porrigeret  miseris  Iudaeis,  esse  tamen  illis  propitium.  Sed  notemus  tantum  loqui