42:142  iustifie  les  autres,  que  ceux  la  luiront  comme  les  estoiles  du  ciel.  Or  nous  ne  devons  point  trouver  estrange  en  premier  lieu  que  Dieu  mette  quelque  diversite  de  gloire  en  la  vie  eternelle,  pourquoy?  nous  avons  desia  dit  que  d'autant  que  l'image  de  Dieu,  est  maintenant  repare  en  nous  et  qu'elle  y  croist,  nous  serons  plainement  reformes  au  dernier  iour.  Ainsi  donc  les  graces  que  Dieu  donne  maintenant,  et  distribue  a  ses  fideles,  est  comme  un  commencement  de  cette  gloire  celeste  qui  sera  plainement  revelee  en  eux,  car  nous  voions  que  les  graces  de  Dieu  ne  sont  point  esgales,  Dieu  fera  marcher  l'un  devant,  l'autre  apres,  mais  voions  que  Pun  sera  doue  de  plus  grande  excellence  que  l'autre,  nous  en  verrons  l'un  de  plus  grande  perfection  et  sainctete  de  vie  que  l'autre,  tout  ainsi  donc,  que  Dieu  besongne  en  ce  monde  en  ses  fideles,  aussi  ii  les  glorifie  au  dernier  iour:  voila  donc  pourquoy  il  est  dit  notamment  que  ceux  qui  auront  monstre  le  chemin  aux  autres,  que  ceux  la  auront  une  gloire  speciale.  Or  il  ne  faut  point  qu'on  dise  que  cette  dignite  ici  soit  a  cause  des  merites,  et  qu'il  faille  que  Dieu  retribue  aux  hommes  ce  qu'ils  auront  deservi:  non,  car  il  nous  paie  de  tout  ce  que  nous  avons  maintenant,  le  pouvons  nous  appeler  nostre  pour  nous  l'attribuer,  qui  est  celuy  qui  se  glorifiera  d'estre  quelque  chose  en  soy?  mais  au  contraire,  d'autant  plus  que  nous  serons  doues  des  graces  de  Dieu,  nous  serons  tant  plus  tenus  a  luy.  Il  faut  donc  que  nous  cheminions  en  plus  grande  humilite,  qu'il  n'y  ha  donc  nulle  occasion  aux  hommes  de  s'eslever,  et  attribuer  quelque  chose  par  ce  qui  est  ici  dit,  mais  au  contraire,  ceux  qui  ont  la  charge  de  conduire  les  autres,  et  que  Dieu  leur  ha  donne  cette  grace  de  ce  faire  doivent  bien  regarder  a  eux,  comment  Dieu  m'appele  a  cc  que  i'advise  les  autres  au  chemin  de  salut,  il  y  ha  promesse  que  ceux  qui  auront  ainsi  marche  en  avant,  qu'ils  luiront  specialement  comme  les  estoilles,  voici  donc  une  charge  noble  et  excelente,  plus  que  l'on  ne  pourroit  penser  ne  dire,  or  si  ie  m'en  acquitte  mal,  il  faudra  que  i'en  rende  compte  une  fois  devant  Dieu  et  devant  ses  anges,  il  faudra  que  ma  condemnation  en  soit  plus  griefve  et  plus  horrible,  il  faut  donc  que  ie  regarde  d'exercer  fidelement  cette  office  en  laquel  ie  Dieu  m'a  constitue.  Voila  donc  comme  ceux  qui  sont  pour  conduire  les  autres  doivent  cheminer  en  crainte  et  en  sollicitude,  et  cette  promesse  ici  en  les  resiouissant  leur  doit  faire  dresser  les  cheveux  en  la  teste,  quand  ils  pensent  en  la  dificulte  de  leur  charge.  Voila  comme  il  nous  faut  appliquer  ce  passage  a  nostre  instruction.  Au  reste  nous  avons  aussi  a  noter,  que  combien  que  tous  ne  soient  point  aucteurs  en  l'Eglise  de  Dieu,  que  tous  ne  soient  point  constitues  en  cet  estat  public,