27:142  les  traditions  des  hommes,  il  n'y  a  nulle  obeissance  :  Dieu  desadvoue  toutes  ces  choses-la,  et  ne  veut  point  qu'on  luy  en  face  nul  item.  Voila  quant  au  premier  article  de  ceste  benediction.  Or  a  l'opposite  quoy  que  les  hommes  murmurent,  et  s'eslevent  contre  nous,  voire  et  nous  condamnent,  d'autant  que  nous  n'avons  point  observe  leurs  folles  inventions  :  Dieu  nous  absout  ici  :  car  il  ne  menace  sinon  ceux  qui  luy  sont  rebelles.  Auiourd'huy  le  Pape  fulmine  contre  nous,  d'autant  que  nous  ne  luy  voulons  point  estre  subiets,  comme  ceux  qui  plient  le  col  sous  luy,  comme  des  povres  bestes  sous  sa  servitude.  Il  est  vray  que  ceux-la,  d'autant  qu'ils  estiment  qu'il  a  la  puissance  de  nous  mettre  au  profond  d'enfer,  cela  les  pourroit  estonner,  cela  seroit  pour  faire  trembler  les  rudes,  et  idiots  :  mais  quand  nous  oyons  de  la  bouche  de  nostre  Dieu,  qu'il  ne  nous  faut  point  craindre,  si  ce  n'est  que  nous  luy  ayons  desobey:  tenons-nous  la,  et  mocquons-  nous  hardiment  de  toutes  les  menaces  du  Pape:  c'est  autant  comme  si  on  faisoit  peur  a  des  petits  enfans,  quand  on  hochera  une  vessie  pleine  de  poix.  Il  est  vray  que  cela  fera  grand  bruit,  et  resonnance:  mais  ce  n'est  qu'un  ieu.  Autant  en  est-il  de  toutes  les  menaces  que  pourront  faire  les  hommes.  Mais  il  y  a  encores  un  mot  qui  est  bien  a  noter.  Moyse  dit  que  la  malediction  viendra,  quand  le  peuple  se  sera  destourne  de  son  Dieu  pour  servir  aux  dieux  estranges,  et  lesquels  il  n'a  point  cogneu.  Or  ici  derechef  il  monstre,  que  ceux  qui  oot  este  deument  enseignez,  sont  beaucoup  plus  coulpables  que  les  povres  incredules:  car  par  certaine  malice,  et  a  leur  escient  ils  despittent  Dieu,  ils  n'est  plus  question  d'ignorance:  mais  apres  que  Dieu  leur  avoit  dit:  Cheminez,  qu'ils  se  destournent,  et  semble  qu'ils  luy  vueillent  faire  la  guerre  de  propos  delibere:  ils  aggravent  donc  leur  condamnation  par  ce  moyen-la.  Et  ainsi  notons  bien  que  nous  qui  avons  receu  la  doctrine  de  l'Evangile,  serons  moins  excusables  que  les  Papistes,  si  nous  n'obeissons  a  nostre  Dieu.  Car  les  Papistes  vont  tousiours  leur  train,  ils  se  sont  esgarez  comme  bestes,  et  mesmes  ce  n'est  que  puantise  et  abomination  que  tout  ce  qu'ils  font.  Il  est  vray:  mais  tant  y  a  que  de  nostre  part  nous  faisons  beaucoup  pis  en  nous  destournant  de  Dieu,  apres  qu'il  s'estoit  approche  de  nous,  et  qu'il  nous  avoit  approchez  de  soy.  Et  notamment  Moyse  dit:  Les  dieux  que  vous  riavez  point  cogneu.  En  quoy  il  redargue  la  malice  des  hommes,  de  ce  qu'ils  aiment  mieux  suyvre  l'incertain  que  le  certain.  Il  est  vray  que  nous  avons  un  principe  de  nature  tout  opposite.  Car  si  on  demande  a  un  homme  :  Lequel  aimes-tu  mieux,  qu'une  chose  te  soit  asseuree,  ou  que  tu  en  doutes?  Il  dira  tousiours:  Ie  voudroye  estre  asseure.  Cependant  il  semble  que  nous  bataillons  pour  nous  rendre  suspens,