21:142  bonos  et  veritatis  amantes  conveniret.  Scripta  est  igitur  summa  omnium  Helveticarum  et  Rhaetiearum  ecclesiarum  approbatione  consensio,  quae  praesertim  Henricum  Bullingerum  cum  Calvino  Tigurinamque  ecclesiam  cum  Genevensi  arctissimo  vinculo  magis  ac  magis  colligavit,  in  qua  etiam  omnes  adhuc  perstamus  et  ad  extremum  usque  favente  Deo  perstituros  nos  speramus*  Sic  annus  ille  felix  nobis  exactus  est,  si  cum  caeteris  conferatur:  cuius  eo  libentius  memini,  quod  is  mihi  primae  ad  ecclesiasticas  functiones  vocationis  meae,  vocante  me  Lausannensi  ecclesia  impellente  vero  Calvino,  initium  fuerit.  Scripsit  quoque  per  id  tempus  binas  eruditissimas  epistolas  Laelio  Socino  Senensi,  Tiguri  diu  versato  ac  tandem  etiam  mortuo.  Ex  iis  vero  quod  fuerit  illius  ingenium,  nempe  plane  Academicum,  facile  quivis  dignoscet,  res  autem  ipsa  sero  ac  nonnisi  post  eius  obitum  patefecit,  quum  ecclesias  peragrans  ac  doctissimum  quemque  ac  in  iis  inprimis  Philippum,  Calvinum,  Ioachimum  denique  Camerarium  (a  quo  in  Philippi  vita  perhonorifico  testimonio  contra  quam  mereretur  ornatus  est)  fefellisset.  Siquidem  illum  postea  Bellianae,  de  qua  suo  loco  dicemus,  farraginis  maxima  ex  parte  autorem  fuisse,  et  Serveti,  Castellionis,  Ochini  denique  furoribus  favisse  compertum  est,  exstante  etiam  illius  in  illud  illustre  primum  caput  Ioannis  commentario,  in  quo  facile  omnium  qui  unquam  illum  locum  longe  divinissimum  corruperunt  haereticorum  impietatem  superavit.  Qui  hunc  excepit  annus,  nempe  quinquagesimus  supra  sesquimillesimum,  satis  quod  ad  ecclesiam  1)  attinet  tranquillus  fuit,  eoque  decretum  est,  ut  ministri  non  tantum  in  concionibus,  quas  alii  negligebant,  alii  non  magno  cum  fructu  audiebant,  sed  etiam  sigillatim  per  domos  et  familias  certo  anni  tempore,  adhibito  cuiusque  regionis  urbis  decurione  itemque  presbytero  plebem2)  instituerent,  et  ab  unoquoque  fidei  rationem  summatim  exposcerent:  qua  ex  re3)  vix  credibile  est  quantus  sit  fructus  consequutus.  Alterum  decretum,  ut  in  proximum  diem4)  referretur  Natalium  Domini  celebratio,  nec  ulli  alii  festi  dies  essent  praeter  septimum  quemque,  quem  Dominicum  vocamus,  factum  plurimos  offendit,  adeo  quidem  ut  non  deessent,  qui  dies  ipsos  dominicos  a  Calvino  sublatos  confingerent,  ut  eum  in  invidiam  vocarent:  quum  tamen  non  postulante,  sed  etiam  ignorante  ministrorum  collegio  actum  ea  de  re  apud  populum  decretumque  fuisse  1)  Genevensem  add.  rece.  2)  singulas  Becc.  3)  quod  senatus  edictum  (eaedem).  4)  add.  dominicum.