20:142  serio  animum  adiicere:  si  pergat,  respirabimus.  Dominus  te  incolumem  servet,  spiritu  suo  gubernet,  virtute  fulciat.  Genevae  4.  Cal.  Septemb.  1563.  4015.  CALVINUS  SARNICIO.  Ad  Blandratam  ergo  nunc  Lismaninus  quoque  transiit  Quem  novo  scripto  sigillatim  refutare  si  susciperet  operae  pretium  se  facturum  non  putat,  (Ad  manus  erant  praeter  antiquissimum  Ionvillaei  exemplar  in  Cod.  Genev.  107��,  fol.  271,  recentiora  Cod.  Genev.  119,  fol.  58,  Cod.  Paris.  Dupuy  102  fol.  26,  Cod.  Bernensis  Epp.  T.  v  i  .  1119  et  Simleri  Vol.  108.)  Eximio  et  fideli  Christi  servo  D.  Stanislao  Sarnicio  fratri  et  symmystae  mihi  colendo.  S.  Ergo  hoc  tempus  est  seriae  probationis:  Deus  ita  ubique  habenas  Satanae  laxat.  De  lugubri  Galliae  nostrae  statu  vix  audeo  verba  facere.  Nam  post  innumeras  strages,  urbium  direptiones  et  promiscua  latrocinia  hostes  evangelii  non  minus  petulanter  quam  ab  initio  saevire  pergunt.  Quaesita  fuit  pacificandi  ratio,  sed  regis  autoritas  a  multis  spernitur,  nec  finis  apparet  donec  armis  cohibita  fuerit  atque  adeo  subacta  adversae  partis  rabies.  Interea  per  totam  Germaniam  turbas  concitant  homines  importuni  ut  puram  doctrinam  adulterent.  Apud  vos,  postquam  Stancarus  nullum  non  movit  lapidem  ut  omnia  turbaret,  ex  opposito  emersit  Blandrata,  qui  primum  religionis  fundamentum  convelleret.  Nec  vero  miratus  sum,  hominem  non  tantum  fpravo  sed  perdito  ingenio  apud  vos,  ubi  plus  est  licentiae,  idem  moliri  quod  hic  quoque  tentaverat.  Verum  ubi  ex  literis  tuis  cognovi  magnam  hominum  turbam  ab  illa  furia  repente  abreptam  esse,  vehementer  fui  perculsus.  Nuper  quum  mihi  oblata  esset  tabula  quaedam,  *)  in  qua  Christus  fiebat  adventitius  nescio  quis  deus,  Admonitionem  scripseram,  2)  quae  iam  ut  spero  ad  vos  pervenit.  Nunc,  ut  gliscenti  in  dies  malo  aliquid  remedii  afferre  iterum  studerem,  sancta  tua  exhortatione  adductus  sum.  Utinam  non  infructuosus  sit  labor!  Quod  autem  tam  acriter  contendis  ut  stilum  contra  Lismaninum  stringam,3)  ignosce,  colende  frater,  si  voto  tuo  4015.  1)  Greg.  Pauli  (Heberle  in  Tub.  ZS.  1840,  p.  182).  2)  Opp.  IX  633.  Prolegg.  xlix.  cf.  N.  3914.  3)  Talia  in  N,  3938  non  leguntur.  An  recentior  aliqua  intercidit?