10.1:142  Sil  faict  apparoir  quil  lait  eue  et  que  ce  ait  este  depuis  huict  iours,  que  le  defendeur  soit  contrainct  a  en  faire  exhibition.  Cest  quelle  soit  monstree  aux  iuges  et  les  tesmoings  que  lacteur  nommera  pour  la  faire  recognoistre  sienne,  ou  aultrement  quil  soit  condamne  a  restituer  le  pris.  La  recongnoissance  faicte,  et  que  lacteur  aura  verifie  celle  chose  avoir  este  sienne,  sil  nappert  point  de  lalienation:  que  sur  lheure  le  defendeur  ait  a  dire  par  quel  moien  elle  est  venue  entre  ses  mains,  et  a  produire  son  guarant  au  premier  terme:  aultrement  soit  condamne  a  la  restituer  promptement.  Si  le  guarant  vient,  quil  ait  a  monstrer  comment  il  la  eue,  et  en  la  fin  sil  ne  se  trouve  alienation  faicte  par  le  d.  acteur,  ou  quil  ny  ait  presumption  vehemente  prochaine  a  probation  que  la  chose  luy  soit  restituee.  Exception.  Touchant  des  choses  achaptees  au  marche  public,  soit  bestail  ou  aultre  espece,  moiennant  que  le  defendeur  en  face  bonne  et  suffisante  preuve,  et  quil  ny  ait  point  presumption  de  fraulde  ne  barat,  si  celluy  qui  veult  vendiquer  la  chose  la  veult  recouvrer,  il  fauldra  quil  en  paye  au  possesseur  le  pris  quelle  luy  aura  coustee  de  son  marchant.  Touchant  de  la  spoliation  violente,  quant  lacteur  prouvera  quil  en  aura  este  despouille  violentement,  que  incontinent  il  soit  restitue,  comme  il  a  este  dict  des  immeubles.  [fol.  44]  Des  actions  interroguatoires.  Quant  quelquun  qui  aura  un  droict  a  poursuivre,  et  ne  scaura  point  a  qui  sadresser,  quil  face  adiourner  celluy  lequel  il  presumera  debvoir  respondre,  affin  quil  le  poursuive  ou  avoir  son  recours  a  laultre.  Les  cas  ou  il  sera  licite.  Premierement  quant  un  homme  aura  eu  ')  action  contre  un  qui  sera  mort,  et  ne  se  constera  qui  est  lheritier:  il  pourra  faire  adiourner  celluy  quil  presumera  le  debvoir  estre  pour  Interroguer  sil  se  vouldra  porter  pour  tel,  semblablement  en  partie.  Item,  quant  il  y  aura  eu  dommaige  faict  par  une  beste:  scavoir  de  celluy  quon  presume  maistre  se  veult  dire  tel:  item  pour  scavoir  dun  homme  sil  a  mis  en  oeuvre2)  ou  sil  advoue3)  ce  quon  presumera  estre  faict  par  son  commendement.  Item  pour  1)  Br.:  un.  2)  omis  comme  illisible  par  Br.  3)  Br,:  advene.