9:141  141  ULTIMA  ADMONITIO  IOANNIS  CALvlNI  AD  IOACHIMUM  WESTPHALUM.  Edidit  Epistolam  Ioachimus  Westphalus*),  scriptam  sodali  cuidam  suo,  cuius  nomen  pudore  subticuit.  Illic  praefatus  se  respondere  ad  convicia  Ioannis  Calvini,  flebiliter  deplorat  se  asperius  fuisse  a  me  vexatum,  quam  Anabaptistas,  Libertinos  et  Papistas.  Hoc  ut  concedam  (in  quo  tamen  eius  vanitas  ")  non  sine  magno  dedecore  apparet:)  cur  non  quid  ipse  tum  atrocibus  in  sanam  doctrinam  maledictis,  tum  immani  erga  pios  et  innoxios  homines  saevitia  meritus  sit,  paulisper  sedato  animo  secum  expendit  ac  reputat?  Quaerit  an  nulla  ipse  misericordia  dignus  sit,  quum  mitius  tractentur  illi.  [pag.  4]  Quasi  vero  qui  omnia  humanitatis  iura  evertit,  et  data  opera  visus  est  aequitati  et  modestiae  bellum  indicere,  sibi  non  praeciderit  omnem  expostulandi  rationem.  Cur  non  potius  attendit  ad  coelestis  magistri  sententiam:  Qua  mensura  usi  fueritis  erga  alios,  eadem  rependetur  vobis?  Ac  si  in  romana  curia  educatus  toto  vitae  cursu,  nihil  praeter  anathemata  didicerit,  singulis  prope  versibus  in  nos  fulminando  omnes  papae  scribas  et  datarios  superat:  quum  eum  deficiunt  rationes,  damnando  et  conviciando  optimam  causam  obruit.  Imo  sicuti  in  comoediis  servos  nequam  ad  omnia  turbanda  impellit  desperatio,  ita  hic  suis  clamoribus  lucem  tenebris  permiscet.  Hanc  ego  insaniam  cur  non  suo  nomine  notarem?  Imo  quia  cum  duro  et  praefracto  capite  negotium  erat,  cur  non  liceret  malum  nodum  duro  cuneo  retundere?  2)  Nisi  forte  novo  quopiam  privilegio  sacrosanctum  se  esse  demonstret,  ut  proterve  omnibus  [pag.  5]  maledicendo,  verbum  asperum  non  audiat.  Haec  scilicet  causa  est,  cur  ambo  isti  censores  librum  meum  esse  spinosum  et  virulentum  pronuncient.  Ac  de  priore  quidem  epitheto  non  ita  miror,  neque  etiam  moleste  fero  ho-  *)  Hanc  epistolam  integram  descripsimus  in  Prolegomenis.  1)  menterie.  2)  de  faire,  comme  dit  le  proverbe,  a  rude  asne  rude  asnier.