7:141  141  CONTRE  LES  ANABAPTISTES.  1I2  sans  lequel  nous  ne  saurions  assoir  iugement  seur,  ny  certain  en  eest  endroit.  Il  est  certain  que  la  mort  d'un  homme,  quel  qu'il  soit,  n'est  iamais  si  precieuse,  qu'elle  puisse  ne  doyve  en  rien  preiudicier  a  la  verite  de  Dieu:  ou  quelle  soit  vaillable  pour  approuver  doctrine  erronee  et  perverse.  Tenons  nous  donc  a  cela,  que  comme  une  bonne  doctrine  et  saine,  estant  fondee  en  raison,  prend  sa  confirmation  puis  apres  de  la  mort  de  ses  tesmoings  et  confesseurs,  par  laquelle  elle  est  maintenue:  ainsi  tous  les  nommes  de  la  terre  en  mourant  ne  pourront  pas  approuver  le  mensonge.  Et  mesme  c'est  ce  qui  discerne  les  Martyrs  de  Dieu,  de  ceux  du  Diable,  que  de  mourir  pour  iuste  cause.  Pourtant  tout  ainsi  que  c'est  une  constance  louable,