6:141  CATECHISMUS  GENEVENSIS.  vres  serviteurs,  et  nous  sanctifier  les  dons,  lesquelz  nous  recevons  de  ta  largesse,  afin  que  nous  en  puissions  user  sobrement  et  purement,  selon  ta  bonne  volunto,  et  par  ce  moyen  te  recongnoistre  Pere  et  autheur  de  toute  benignite:  cherchant  tousiours  principalement  le  pain  spirituel  de  ta  Parolle,  dont  noz  ames  soyent  nourries  eternellement,  par  Iesus  Christ,  ton  Filz,  nostre  Seigneur,  Amen.  DEUT.  VIII.  L'homme  ne  vit  point  de  seul  pain:  mais  de  la  parolle1)  procedante  de  la  bouche  de  Dieu.  ACTION  DE  GRACES  APRES  LE  REPAS.2)  DU  PSALME  CXVII.  ≫)  Que  toutes  nations  louent  le  Seigneur,  que  tous  peuples  luy  chantent  louenge:  Car  sa  misericorde  est  multipliee  sus  nous,  et  sa  verite  demeure  eternellement.  Seigneur  Dieu,  nous  te  rendons  graces  de  tous  les  benefices  que  nous  recevons  assiduellement  de  ta  main,  de  ce  qu'il  te  plaist  nous  substenter  en  ceste  vie  corporelle,  nous  administrant  toutes  noz  necessitez:  et  singulierement,  de  ce  qu'il  t'a  pleu  nous  regenerer  en  l'esperance  d'une  meilleure  ^ie,  laquelle  tu  nous  as  revele  par  ton  S.  Evangile;  te  priant  qu'il  te  plaise  ne  permettre  point  que  noz  affections  soyent  icy  enracinees  en  ces  choses  corruptibles,  mais  que  nous  regardions  tousiours  plus  haut,  attendans  nostre  Seigneur  Iesus  Christ,  iusqu'a  ce  qu'il  apparoisse  en  nostre  redemption.  Amen.