58:141  141  DE  IACOB  ET  ESAU.  142  les  mains  iointes,  de  nous  mettre  a  genous,  et  d'avoir  la  teste  descouverte  :  car  c'est  pour  monstrer  que  nous-nous  prosternons  la  devant  Dieu,  pour  dire,  Et  povre  creature,  qui  es  tu?  en  quelle  humilite  dois-tu  venir  devant  celui  qui  t'a  cree  et  forme,  et  auquel  tu  as  a  rendre  Gonte  de  toute  ta  vie?  Et  puis  cela  est  aussi  afin  que  nous  soions  despouillez  de  toutes  vaines  fantasies,  qui  nous  esgarent  ca  et  la  :  et  que  nous  soions  du  tout  arrestez  a  lui.  Ainsi  donc  l'autel  qu'a  dresse  Isaac  a  servi  de  cela  :  C'est,  que  par  ce  moien  il  a  este  aiguise,  afin  que  son  coeur  fust  tant  mieux  enflamme  de  servir  Dieu.  Et  d'autre-part,  il  a  fait  confession  devant  les  hommes,  pour  donner  exemple  a  sa  famille,  et  pour  monstrer  qu'il  ne  se  mesloit  point  parmi  les  superstitions  des  Paiens:  mais  qu'il  avoit  un  service  de  Dieu  pur  et  entier,  d'autant  qu'il  estoit  regle  a  sa  Parole.  Voila  quant  a  l'autel.  Et  cependant  nous  avons  aussi  a  retenir  ce  qui  a  este  declare  par  ci  devant,  que  les  oraisons  des  saincts  Peres,  et  la  confession  qu'ils  ont  rendue  de  leur  Foy,  n'a  pas  este  coniointe  avec  les  sacrifices,  sinon  pour  les  mener  a  nostre  Seigneur  Iesus  Christ:  car  ils  ont  este  tousiours  enseignez  qu'il  n'y  a  nul  accez  a  Dieu  que  par  la  grace  du  Mediateur,  qui  n'estoit  pas  encores  envoie  au  monde:  mais  si  est-ce  qu'ils  se  sont  reposez  la.  Or  auiourd'hui,  que  nostre  Seigneur  Iesus  Christ  est  descendu,  et  qu'il  a  prins  nostre  nature,  et  qu'il  nous  a  dit  qu'il  est  la  clarte  du  monde,  qu'il  est  la  voie,  la  verite  et  la  vie,  qu'il  est  nostre  Advocat  envers  Dieu  son  Pere,  et  que  c'est  par  lui  qu'il  nous  faut  approcher  du  ciel  :  quand  donc  nous  avons  tout  cela,  ne  faut  il  point  que  nous  soions  tant  plus  asseurez,  quand  il  est  question  d'invoquer  Dieu,  que  nous  sachions  que  nos  requestes  seront  exaucees  de  lui,  et  que  la  porte  nous  sera  ouverte,  et  que  nous  le  trouverons  tousiours  enclin  et  favorable  pour  nous  aider  et  secourir?  Or,  quoy  qu'il  en  soit,  notons  que  les  autels  anciennement,  et  mesme  du  temps  de  la  Loy,  ont  este  tousiours  dressez,  afin  que  les  fideles  cognussent  qu'ils  n'estoient  pas  dignes  de  prier  Dieu,  ne  de  le  reclamer  en  leur  propre  nom:  mais  qu'il  falloit  qu'ils  y  vinssent  par  le  moien  de  nostre  Seigneur  Iesus  Christ,  et  en  la  vertu  du  sacrifice  qu'il  devoit  offrir  a  son  Pere,  pour  la  reconciliation  du  monde.  Et  defaict  nous  ne  devons  pas  estimer  qu'Abraham  et  Isaac  aient  forge  des  autels  a  leurs  fantasies  :  car  leurs  sacrifices  n'ont  iamais  este  agreables  que  par  Foy,  comme  l'Apostre  le  monstre.  Or  ils  ne  pouvoient  estre  fondez  en  Foy,  sinon  que  la  Parole  de  Dieu  marchast  devant  pour  les  esclairer.  Cognoissons  donc  qu'Isaac  n'a  point  offert  un  sacrifice  a  la  volee,  comme  s'il  eust  pense,  Ceci  pourra