52:141  141  CAPUT  I.  142  ac  si  diceret,  rara  vis  fidei  potenter  in  vobis  se  exseruit.  Adiungit  laborem  caritatis:  quo  significat,  in  caritate  colenda  nihil  refugisse  molestiae  vel  laboris.  Et  certe  experimento  cognoscitur  quam  laboriosa  sit  caritas.  Illud  vero  saeculum  praesertim  multiplicem  dabat  laborandi  materiam  fidelibus,  si  defungi  vellent  caritatis  officiis.  Plurimis  afflictionibus  mire  premebatur  ecclesia:  multi  opibus  nudati,  multi  domo  profugi,  multi  destituti  consilio,  multi  teneri  et  imbecilles  erant.  Omnium  fere  conditio  perplexa  erat.  Tot  necessitates  non  patiebantur  otiosam  esse  caritatem.  Spei  tribuit  p  a  t  i  e  n  t  i  a  m  :  ut  est  illi  semper  annexa:  nam  quod  speramus,  per  patientiam  exspectamus.  Rom.  capite  8,  24.  Sic  autem  resolvi  debet  oratio,  quod  eorum  patientiam  in  sperando  Christi  adventu  recordetur  Paulus.  Hinc  colligenda  est  brevis  christianismi  veri  definitio:  ut  seria  sit  ac  vigoris  plena  fides:  ut  nullis  laboribus  parcatur  dum  iuvandi  sunt  proximi,  sed  in  officiis  caritatis  strenue  se  occupent  pii  omnes,  studiaque  sua  impendant:  ut  in  spem  manifestationis  Christi  intenti,  reliqua  omnia  despiciant:  et  patientia  armati,  tam  longi  temporis  taedium,  quam  omnes  mundi  tentationes  superent.  Particula,  coram  Deo  et  p  a  t  r  e  n  o  s  t  r  o  ,  vel  ad  recordationem  Pauli,  vel  ad  haec  tria  proxima  referri  potest.  Ego  sic  expono:  quoniam  de  precibus  loquutus  erat,  nunc  affirmat,  quoties  mentem  attollit  in  regnum  Dei,  Thessalonicensium  fidem,  spem  et  patientiam  simul  illi  in  memoriam  venire.  Quia  autem  fucum  omnem  facessere  oportet,  dum  in  conspectum  Dei  venitur:  hoc  additum  est  ue  affirmatio  plus  haberet  ponderis.  Porro  hoc  benevolentiae  suae  testimonio  magis  dociles  ac  promptos  reddere  voluit.  4.  Scientes,  fratres  dilecti.  Participium  scientes  tam  Pauli  quam  Thessalonicensium  personae  potest  accommodari.  Erasmus  ad  Thessalonicenses  refert:  ego  Chrysostomum  sequi  malo,  qui  de  Paulo  eiusque  collegis  intelligit:  est  enim  (ut  mihi  quidem  videtur)  amplior  confirmatio  proximae  sententiae.  Nam  hoc  ad  commendationem  non  parum  valebat,  quod  Deus  ipse  multis  indiciis  Thessalonicenses  sibi  gratos  ac  caros  esse  testatus  esset.  A  Deo  electionem.  Non  mihi  in  totum  displicet  Chrysostomi  interpretatio,  quod  Deus  eximios  reddiderit  Thessalonicenses,  eorumque  excellentiam  comprobarit.  Quam  quam  plus  quiddam  exprimere  voluit  Paulus.  Eorum  enim  vocationem  attingit:  in  qua  quoniam  non  vulgares  virtutis  Dei  notae  apparuerant,  inde  collegit  fuisse  peculiariter  vocatos  cum  certae  electionis  testimonio.  Nam  ratio  mox  sequitur,  quod  non  illis  nuda  tantum  allata  esset  praedicatio,  sed  cum  efficacia  spiritus  sancti  coniuncta:  ut  solidam  apud  eos  fidem  obtineret.  Quum  dicit  in  p  o  t  e  n  t  i  a  et  s  p  i  r  i  t  u  s  a  n  c  t  o  :  hoc  perinde,  meo  iudicio,  valet  atque  in  potentia  spiritus  sancti:  ut