50:141  141  CAPUT  XII.  142  citer  de  quibus  certam  habemus  promissionem:  qualia  sunt  regni  Dei  complementum  et  sanctificatio  nominis  eius,  remissio  peccatorum,  et  quidquid  nobis  est  salutare.  Verum  dum  hoc  vel  illo  modo  putamus  regnum  Dei  posse,  imo  debere  promoveri,  hoc  vel  illud  ad  sanctificandum  eius  nomen  esse  necessarium:  saepe  opinione  fallimur.  Similiter  quod  ad  salutem  nostram  spectat,  saepe  hallucinamur.  Secure  igitur  et  absque  exceptione  priora  illa  petimus.  Modum  vero  praescribere,  nostrum  non  est:  quod  si  modum  exprimimus,  semper  inclusa  est  tacita  conditio.  Non  ita  porro  ignarus  fuit  Paulus  ut  hoc  nescierit.  Proinde  quod  ad  finem  su$e  precationis,  non  dubium  quin  fuerit  exauditus:  tametsi  repulsam  passus  est  in  ipsa  forma.  Unde  admonemur,  non  despondendum  esse  animum,  quasi  operam  perdiderimus  orando,  ubi  non  satisfacit  Deus,  aut  obsequitur  votis  nostris  :  sed  nobis  debere  sufficere  eius  gratiam,  hoc  est,  quod  ab  ipso  non  deseramur.  Haec  enim  ratio  est  cur  misericorditer  interdum  suis  neget  quod  impiis  iratus  concedit:  quia  melius  ipse  providet  quid  nobis  expediat  quam  mens  nostra  apprehendat.  9.  Dixit  mihi.  Oraculone  habuerit  hoc  responsum,  incertum  est:  neque  magnopere  refert.  Siquidem  respondet  nobis  Deus,  quum  spiritu  suo  intus  nos  confirmat  et  consolatione  sua  sustentat,  ne  a  spe  et  patientia  excidamus.  Iubet  Paulum  esse  contentum  sua  gratia,  neque  interea  flagellum  recusare.  Ergo  durandum  sub  malo  quantumlibet  diuturno  :  quia  praeclare  nobiscum  agitur,  dum  adest  Dei  gratia  qua  nobis  subveniat.  Vocabulum  gratiae  hic  non  favorem  Dei,  (ut  alibi),  sed  per  metonymiam  auxilium  spiritus  sancti  significat:  quod  nobis  a  gratuito  Dei  favore  provenit.  Sufficere  autem  piis  debet,  quia  firma  est  et  insuperabilis  fultura,  ne  unquam  succumbant  Nam  virtus  mea.  Videtur  infirmitas  nostra  obstaculo  esse  quominus  suam  virtutem  Deus  in  nobis  perficiat.  Id  non  tantum  negat  Paulus:  sed  e  converso  asserit,  tunc  rite  demum  perfici  Dei  virtutem,  quum  infirmitas  nostra  apparet.  Quod  ut  clarius  intelligamus,  distinguendum  est  inter  Dei  virtutem  et  nostram.  Nam  in  dictione  mea  est  emphasis.  Virtus  mea,  inquit  Dominus  (hoc  est,  quae  hominum  opitulatur  inopiae,  quae  eos  collapsos  erigit  et  deficientes  recreat)  perficitur  in  hominum  infirmitate:  hoc  est,  materiam  habet  se  exserendi  quum  se  prodit  hominum  infirmitas:  neque  id  modo,  sed  clarius  agnoscitur  ut  decet.  Nam  verbum  perfici  relationem  habet  ad  hominum  sensum  et  agnitionem:  quia  non  perficitur  nisi  palam  reluceat,  ut  habeat  suam  laudem.  Nam  ne  homines  quidem  eam  gustant,  nisi  prius  suae  necessitatis  fuerint  convicti:  et  statim  obliviscuntur  quid  valeat,  nisi  assidue  infirmitatis  suae  sensu  exerceantur.