42:141  141  SUR  LE  XII.  CHAP.  DE  DANIEL.  142  que  Dieu  nous  monstre  par  sa  parole  apres  avoir  eonneu  cela,  sachons  aussi  quel  est  le  fruit  de  la  foy,  c'est  qu'estant  entendus  nous  luyrons  comme  la  splendeur  du  firmament,  et  pourquoy?  car  nostre  foy  est  celle  qui  nous  transfigure  en  l'image  de  Dieu,  comme  sainct  Paul  le  monstre  en  la  seconde  des  Corinthiens,  qu'en  l'Evangile  (dit-il)  nous  avons  un  miroyr  ou  Dieu  se  monstre  face  a  face,  et  quand  nous  le  contemplons,  ce  n'est  point  pour  en  avoir  une  veue  morte,  mais  c'est  afin  que  nous  soions  transfigures  en  son  image  de  gloire  en  gloire.  Quand  il  dit  a  fin  que  nous  soions  transfiguras  en  ymage  de  Dieu,  c'est  autant  comme  s'il  nous  disoit  a  ce  que  nous  soions  sanctifies  pour  ne  tenir  plus  rien  de  cette  malediction  d'Adam,  mais  qu'estans  membres  de  nostre  Seigneur  Iesus  Christ,  nous  soions  enfans  de  Dieu  et  quand  nous  serons  enfans  de  Dieu,  la  vie  n'est  elle  point  en  nous?  Et  ainsi  puisque  la  foy  nous  conforme  en  l'image  de  Dieu,  ne  trouvons  point  estrange  s'il  est  ici  dit,  qu'une  fois  nous  luirons  comme  la  splendeur  du  firmament,  et  c'est  ce  que  8.  Paul  adiouste  de  gloire  en  gloire,  car  la  reparation  de  l'image  de  Dieu,  comment  se  fait  elle  en  nous  en  la  vie  presente?  il  faut  que  nous  y  croissions  de  plus  en  plus,  mais  quand  nous  aurons  passe  par  ce  monde,  par  le  sepulchre,  et  par  la  corruption  de  la  mort,  voila  la  perfection  et  accomplissement  de  cette  gloire  qui  est  en  nous,  et  ainsi  nous  voions  pourquoy  il  est  dit,  que  la  foy  nous  met  en  la  possession  de  cette  gloire  celeste:  mais  notamment  Daniel  adiouste,  que  ceux  qui  en  auront  iustifie  plusieurs,  luiront  comme  les  estoilles,  il  monstre  ici  qu'il  y  aura  encores  une  gloire  speciale  pour  ceux  qui  auront  conduit  les  autres  a  salut,  il  y  ha  bien  la  promesse  universelle  pour  tous  ceux  qui  auront  estes  escoliers  de  Dieu,  et  qui  auront  profite  en  son  escole,  mais  si  est-ce  que  ceux  qui  auront  enseigne  les  autres,  que  ceux  qui  les  auront  conduit  au  chemin  de  salut,  que  Dieu  les  fera  marcher  devant  en  la  gloire  du  ciel,  et  c'est  ce  qui  est  traitte  par  sainct  Paul,  aussi  bien  quand  il  dit,  Vous  estes  ma  gloire  au  iour  du  Seigneur  Iesus  Christ.  Tout  ainsi  que  saint  Paul  avoit  gaigne  beaucoup  d'ames  a  Iesus  Christ,  qu'il  en  avoit  enseigne  beaucoup,  et  les  avoit  mis  en  train  de  salut,  qu'il  avoit  beaucoup  travaille,  et  prins  grand  peine  pour  l'honneur  de  nostre  Seigneur  Iesus  Christ  et  pour  son  royaume,  quand  ce  viendra  au  dernier  iour,  il  dit  qu'il  sera  la,  comme  capitaine,  qu'il  viendra  faire  present  et  oblation  a  Dieu  de  ceux  qu'il  aura  gaignes  par  sa  doctrine,  de  ceux  qu'il  aura  convertis  a  la  foy,  qu'il  les  viendra  la  presenter  a  Dieu,  pour  dire,  Seigneur  voila  ma  conqueste  et  le  fruit  de  mon  labeur.  Voila  donc  comme  sainct  Paul  appele  sa  gloire,  ceux  qu'il  avoit  enseignes,  et  c'est  ce  que  l'ange  ha  entendu  en  disant,  ceux  qui  auront