27:141  141  SUR  LE  DEUTER.  CHAP.  XI.  142  nous  ne  soyons  point  si  pervers  de  nous  eslongner  ca  et  la  comme  en  despit  de  Dieu,  afin  d'estre  maudits:  que  plustost  nous  recevions  ceste  benediction  qui  ne  nous  couste  rien,  par  maniere  de  dire  :  car  il  ne  reste  sinon  de  la  recevoir  benignement:  comme  nous  oyons  la  promesse  qu'il  nous  fait:  Ouvre  ta  bouche,  et  ie  l'empliray.  Voila  pourquoy  aussi  sainct  Paul  dit  :  Voici  les  iours  agreables,  voici  les  iours  de  salut:  monstrant  comme  cela  se  doit  appliquer  a  la  predication  de  l'Evangile.  Il  allegue  ce  passage  d'Isaie,  comme  s'il  disoit,  nostre  Seigneur  ne  demande  sinon  de  faire  office  de  sauveur  envers  nous:  souffrons  donc  qu'il  se  declaire  tel.  Et  au  reste,  sachons  qu'il  ne  nous  le  faut  point  cercher  loin:  car  il  se  presente  a  nous  devant  que  nous  y  ayons  pense,  pour  nous  faire  sentir  sa  douceur,  et  sa  bonte  paternelle.  Et  au  contraire  quand  ii  nous  menace,  et  qu'il  nous  veut  faire  sentir  sa  rigueur,  il  ne  vient  point  du  premier  coup  hurter  contre  nous,  il  n'a  point  sa  main  levee  sur  nos  testes  pour  nous  frapper:  mais  il  nous  la  monstre  de  loin.  Toutesfois  quoy  qu'il  en  soit,  notons  que  iamais  sa  parolle  ne  se  presche,  que  d'un  coste  il  ne  testifie  qu'il  est  prest  de  recevoir  les  hommes  a  merci,  et  leur  ouvre  la  porte  de  son  royaume,  afin  qu'ils  y  entrent:  mais  cependant  s'il  les  voit  rebelles  et  obstinez  en  leur  malice,  qu'ils  ne  pensent  point  eschapper,  qu'ils  ne  cuident  point  que  ceste  parolle  soit  inutile  ne  vaine:  car  Dieu  luy  donnera  tousiours  vertu.  Et  comment?  Pour  ruiner  ceux  qui  l'auront  ainsi  reiettee,  et  mise  sous  le  pied,  qui  s'en  seront  mocquez,  et  qui  y  auront  resiste  appertement.  Or  cependant  nous  avons  a  reduire  en  memoire  ce  que  i'ay  touche,  suyvant  le  texte  de  Moyse  :  c'est  que  Dieu  ne  promet  benediction  qu'a  ceux  qui  auront  obey  a  ses  commandemens,  comme  aussi  il  menace  ceux  qui  se  seront  destournez  de  luy.  Or  par  cela  il  monstre  que  les  hommes  auront  beau  travailler  beaucoup:  mais  ils  perdront  leur  peine,  voire  s'ils  ne  se  gouvernent  selon  la  Loy.  Voila  donc  toutes  les  devotions  que  les  hommes  se  forgent,  qui  sont  abbattues,  Moyse  declaire  qu'elles  sont  sans  fruict.  Il  est  vray  que  les  Papistes,  les  Turcs,  et  les  Iuifs,  se  persuadent  assez  qu'ils  meritent  beaucoup  envers  Dieu,  quand  ils  auront  fait  selon  leur  opinion,  pour  dire:  Et  il  me  semble  que  cela  est  beau.  Quand  donc  ils  auront  ainsi  tracasse  en  leurs  circuits,  il  leur  semble  qu'ils  se  sont  bien  approchez  de  Dieu:  mais  au  contraire  nous  voyons  que  Dieu  ne  promet  rien  sinon  a  ceux  qui  obeissent  a  sa  parolle.  Ainsi  ne  voulons-nous  point  estre  frustrez  de  nostre  attente?  cerchons  la  volonte  de  Dieu,  interrogons  sa  bouche,  et  puis  apres  obeissons  simplement  a  ce  qu'il  nous  dit:  car  cependant  qu'on  se  gouverne  selon  son  cerveau,  ou  selon