21:141  141  VITA  CALVINI  142  sancita  rursum  est  afivqGzia:  sed  haec  omnia  per  simulationem  facta  fuisse,  nec  aliud  tum  quaesivisse  Perrinum,  quam  ut  syndicatum  adeptus  aditum  sibi  et  suis  ad  omnia  perdenda  magis  ac  magis  patefaceret,  eventus  comprobavit.  Calvinus  autem  istis  concertationibus  non  modo  non  cessit,  verum  etiam  quasi  in  otio  sex  Epistolas  Pauli  doctissimis  commentariis  illustravit,  et  Interim  illud  quod  vocant,  pessundandis  Germanicis  [fol.  III.  i]  ecclesiis  editum,  gravissimo  scripto  refutavit  veramque  instaurandae  ecclesiae  rationem  ostendit  :  Astrologiae  denique  quam  iudiciariam  vocant,  cui  plusculum  tribuere  non  pauci  videbantur,  falsitatem  atque  vanitatem  elegantissimo  libello  patefecit.  Tum  quoque  a  Brentio  Basileae  exsulante  literis  salutatus  amicissime  illum  consolatus  est,  in  qua  coniunctione  utinam  perstare  Brentius  institisset.  Bucerum  in  Anglia  exsulantem  tunc  quoque  ingenue  monuit,  ut  magis  perspicue  de  coena  Domini  scriberet  ac  loqueretur,  et  amicissime  solatus  est.  Simulque  Sommersetum  Ducem,  Angliae  protectorem,  indignissima  postea  morte  affectum,  accurate  scriptis  literis  eorum  admonuit  quae  si  tum  essent  in  illo  regno  animadversa  multas  fortasse  tempestates  ecclesiae  Anglicanae  devitassent.  Crescebat  in  istis  certaminibus  mirabiliter  ecclesia  Genevensis,  quod  ut  mirum  in  modum  Satanam  et  malos  angebat  ita  Calvini  excipiendis  pro  Christi  nomine  exsulibus  intenti  studium  vehementer  acuebat:  cui  sollicitudini  sic  favit  anno  consequente  MDXLIX  Dominus,  ut  etsi  non  exstincta  prorsus,  attamen  ad  tempus  sopita  furiosorum  improbitas  videretur.  Et  sane  induciis  egebat  ille,  praesertim  casu  domestico  graviter  afflictus,  amissa  videlicet  uxore  lectissima  femina:  quem  tamen  casum  ita  constanter  tulit,  ut  hac  etiam  in  re  singulare  fortitudinis  exemplum  toti  ecclesiae  praebuerit.  Eodem  hoc  anno  exorta  in  Saxonicis  ecclesiis  contentione  de  rebus  adiaphoris,  quum  a  Calvino  quoque  consilium  peteretur,  sententiam  hac  de  re  suam  libere  exposuit,  Philippo  etiam  officii  admonito,  quem  nonnulli  ut  in  eo  molliorem  accusabant  immerito  id  quidem,  ut  accuratius  postea  Calvinus  cognovit.  Tum  enim  erat  ignotum  quo  animo  malus  ille  genius  et  tota  Flaccianorum  cohors  impelleretur,  quae  tot  postea  turbas  dedit,  et  nunc  quoque  opus  Domini  labefactat:  non  aliter  sane,  nec  minus  impudenter  ac  furiose,  quam  si  ab  ipso  Romano  pontifice  magnis  stipendiis  esset  conducta.  Caeterum  hoc  ecclesiis  Germanicis  inflictum  vulnus  contrario  beneficio  Dominus  apud  Helvetios  compensavit,  Farello  simul  ac  Calvino  Tigurum  profectis  ut,  quum  visus  esset  quibusdam  Calvinus  consubstantiationi  nonnihil  favere,  de  communi  in  ea  re  omnium  Helveticarum  ecclesiarum  consensum  omnibus  liqueret.  Neque  vero  difficile  factu  fuit  ut  inter