7:140  comme  un  corps  ou  il  n'y  auroit  ne  teste,  ne  bras,  ne  piedz,  ilz  usent  souvent  de  manieres  de  parler  lourdes  et  sauvaiges,  1)  et  de  propos  delibere  saultant  a  chacune  foys  du  cocq  a  l'asne,2)  entrelaceant  divers  propoz,  amenent  passages  de  l'escriture  couppez  ou  rompus:  et  se  plaisent  en  cela,  se  faisant  a  croire  qu'il  y  a  beaucoup  plus  de  maieste  a  parler  ainsi  brutivement,3)  que  de  bien  digerer  son  cas  par  ordre.  Or  pour  les  rendre  bien  confus,  il  n'y  a  meilleur  moyen,  que  d'exposer  et  deduire  les  matieres  distinctement  et  par  certain  ordre  demener  un  poinct  apres  l'autre:  bien  poiser  et  regarder  de  pres  les  sentences  de  l'escriture,  pour  en  tirer  le  vray  sens  et  naturel,  user  d'une  simplicite  et  rondeur  de  parolle,  qui  ne  soit  point  eslongnee  du  language  commun.  Quand  on  faict  cela,  ilz  cryent  qu'on  les  veut  decevoir  et  circonvenir  par  astuce  humaine,  et  par  sophisterie.  Comme  [page  188]  si  c'estoit  la  coustume  ou  intention  des  sophistes,  que  d'esclaircir  les  choses  enveloppees.  Quant  a  moy,  ie  confesse,  qu'en  tant  qu'en  moy  est,  ie  m'estudie  a  disposer  par  ordre  ce  que  ie  dy,  afin  d'en  donner  plus  claire  et  facile  intelligence.  Si  les  Anabaptistes  ne  peuvent  porter  cela,  ie  ne  saurois  que  dire,  si  non  que  celuy  qui  faict  mal,  hayt  la,  clarte  (Iehan  3,  20).  Or  pour  donner  quelque  couleur  davantage  a  leur  doctrine,  ilz  ont  faict  imprimer,  avec  leur  resolution,  l'histoire  de  la  mort  de  ie  ne  say  quel  Michel,  leur  cornpliee,  et  adherent  a  leur  secte.  Et  de  faict,  ils  ont  accoustume  de  faire  un  grand  bouclier,  do  ce  que  plusieurs  sont  mortz  pour  avoir  maintenu  leurs  opinions,  sans  s'en  vouloir  retracter:  encor  que  par  ce  moyen  ilz  peussent  eschapper  la  mort,  et  racheter  leur  vie.  Et  de  faict,  c'est  un  tesmoignage  de  belle  apparence,  pour  authoriser  une  doctrine,  quand  un  homme  constamment  et  sans  aucune  difficulte  abandonne  sa  vie  pour  la  confirmation  d'icelle.  Comme  quand  on  nous  propose  ce  qu'ont  endure  les  Prophetes  et  Apostres  et  autres  Martyrs,  pour  maintenir  la  verite  de  Dieu:  nous  sommes  d'autant  plus  fortifiez,  pour  adherer  a  la  foy  que  nous  tenons,  laquelle  ilz  ont  sceellee  [page  189J  par  leur  sang.  Ie  confesse  donc  que  nous  ne  devons  pas  villipender  la  mort  des  serviteurs  de  Dieu,  veu  qu'elle  est  precieuse  devant  sa  face  (Ps.  116,  15):  et  que  leur  constance  et  fermete  n'est  pas  une  petite  aide,  pour  subvenir  a  nostre  infirmite.  Mais  pource  que  nous  pourrions  estre  tous  les  coups  deceuz  en  cela  si  nous  ne  passions  outre:  il  est  question  de  revenir  au  fondement,  1)  absurdis  et  peregrinis.  2)  dedita  opera  a  legione,  quod  aiunt,  ad  culinam  subinde  transsiliunt.  3)  si  balbutiant  et  confuse  loquantur.