58:140  fait:  et  cependant  nous  torchons  nostre  museau,  et  n'y  pensons  point.  Voila  qui  est  cause  que  nous  sommes  ainsi  adonnez  a  murmurer,  a  chagriner  et  a  nous  despiter.  Et  pourquoy?  Car  les  benefices  de  Dieu  nous  devroyent  bien  suffire  pour  nous  faire  rassasier  en  luy:  mais  (comme  i'ay  dit)  nous  les  mesprisons  et  vilipendons.  Et  ainsi  nous  ne  sommes  pas  dignes  de  sentir  que  vaut  ceste  promesse,  Ie  suis  avec  toy,  et  te  beniray.  Or  il  est  dit  puis  apres,  Qu'Isaac  a  dresse  un  autel,  et  que  la  il  a  invoque  le  Nom  du  Seigneur.  Nous  avons  desia  veu  ci  dessus  pourquoy  les  autels  ont  este  dressez  par  les  saincts  Peres,  et  a  quelle  fin  :  mais  si  nous  en  faut-il  encore  ici  toucher  quelque  mot,  selon  que  le  passage  le  requiert,  l'autel  qu'a  dresse  Isaac  estoit  pour  faire  profession  de  la  Foy:  Voila  quant  au  premier.  Car  si  nous  prions  Dieu,  nous  n'avons  que  faire  d'autel:  le  service  de  Dieu,  de  soy,  est  spirituel.  Isaac  donc  n'a  point  dresse  un  autel  seulement  pour  invoquer  et  reclamer  le  Nom  de  Dieu,  et  pour  faire  priere  et  oraison:  c'estoit  afin  que  sa  Foy  fust  cognu,  et  que  Dieu  fust  glorifie  devant  les  hommes.  Car  combien  que  nous  devions  servir  Dieu  d'esprit,  et  au  dedans  du  coeur:  toutesfois  ce  n'est  pas  a  dire  qu'aussi  nous  ne  lui  donnions  la  louange  qu'il  merite,  devant  les  hommes,  et  que  nous  ne  protestions  entant  qu'en  nous  est,  que  nous  sommes  du  tout  a  lui,  et  corps  et  ames.  Nous  sommes  donc  ici  instruits,  que  les  fideles,  apres  qu'ils  auront  mis  leur  fiance  en  Dieu,  et  qu'ils  i'auront  invoque,  et  qu'ils  lui  auront  attribue  la  louange  de  tous  biens,  que  devant  les  hommes  ils  doivent  encore  faire  confession  de  leur  Foy,  afin  de  se  dedier  a  Dieu  du  tout,  comme  aussi  le  tout  est  sien.  U  y  a  une  autre  raison  seconde:  C'est,  qu'a  cause  de  nostre  tardivete  et  paresse,  nous  avons  besoin  d'estre  piquez  en  toute  sorte,  pour  nous  inciter  a  nous  faire  marcher  au  service  de  Dieu.  Comme  quoy?  Il  est  vray  que  Dieu  ne  s'amusera  point  a.  nulles  ceremonies,  quand  nous  le  prierons:  mais  tant  y  a  que  nous  sommes  k  genoux,  nous  avons  les  mains  dressees  au  ciel,  et  la  teste  descouverte.  Et  pourquoy?  C'est  en  premier  lieu,  au  regard  des  hommes  Car  (comme  i'ay  desia  dit)  il  faut  bien  que  nous  facions  hommage  a  Dieu  de  nos  corps,  lesquels  il  a  creez,  et  lesquels  mesmes  il  a  destinez  a  sa  gloire,  et  k  la  couronne  d'immortalite.  Mais,  quoy  qu'il  en  soit,  d'autant  que  nous  sommes  tardifs,  il  faut  que  ces  moiens  nous  servent,  pour  nous  inciter  a  ce  que  nous  aions  un  zele  plus  ardent  de  prier  Dieu,  et  d'une  affection  plus  grande.  Voila  donc  dequoy  nous  sert  d'avoir