56:140  passer  les  verroux,  et  dora  les  verroux  d'or.  35.  Item  il  fit  le  voile  de  hyacinthe,  d'escarlate,  de  vermeil,  et  de  fin  lin  retors,  le  faisant  d'ouvrage  subtil1)  avec  des  Cherubins.  36.  Et  luy  fit  quatre  piliers  de  Setim  lesquels  ii  couvrit  d'or,  avec  leurs  chapiteaux  d'or:  et  fondit  pour  iceux  quatre  soubassemens  d'argent.  37.  Item,  a  l'entree  du  pavillon,  il  fit  le  voile  de  hyacinthe,  escarlate,  vermeil,  et  fin  lin  retors,  d'ouvrage  de  broderie.  38.  Aussi  couvrit  ces  cinq  piliers  avec  leurs  chapiteaux:  il  couvrit,  di-ie,  d'or  leurs  chapiteaux,  et  leurs  liaisons:  mais  leurs  cinq  soubassemens  estoyent  d'airain.  Chapitre  XXXVII.  1.  Puis  Beseleel  fit  l'Arche  de  bois  de  Setim:  sa  longueur  de  deux  coudees  et  demie,  sa  largeur  d'une  coudee  et  demie  et  sa  hauteur  d'une  coudee  et  demie.  2.  Et  la  couvrit  dedans  et  dehors  de  pur  or,  et  luy  fit  un  couronnement  d'or  a.  l'entour.  3.  Et  luy  fondit  quatre  anneaux  d'or  pour  ses  quatre  coins  :  assavoir  deux  anneaux  pour  un  de  ses  costez,  et  deux  autres  pour  son  autre  coste.  4.  Aussi  fit  des  barres  de  bois  de  Setim  et  les  dora  d'or.  5.  Et  mit  les  barres  dedans  les  anneaux  aux  costez  de  l'Arche,  pour  porter  l'Arche.  6.  Item,  ii  fit  le  Propiciatoire  de  fin  or,  dont  la  longueur  estoit  de  deux  coudees  et  demie,  et  sa  largeur  d'une  coudee  et  demie.  7.  Et  fit  aux  deux  bouts  du  Propiciatoire  deux  Cherubins  d'or,  duit  au  marteau.  8.  Assavoir  un  Cherubin  qui  estoit  au  bout  de  deca,  et  l'autre  Cherubin  qui  estoit  au  bout  de  dela  du  Propiciatoire,  disposant  les  Cherubins  a  ses  deux  bouts.  9.  Et  les  Cherubins  estendoyent  les  ailes  en  haut,  couvrant  dc  leurs  ailes  le  Propiciatoire:  et  leurs  faces  estoyent  l'une  vers  l'autre.  Et  ainsi  le  regard  des  Cherubins  estoit  vers  le  Propiciatoire.  10.  Item,  il  fit  la  table  de  bois  de  Setim,  sa  longueur  de  deux  coudees,  sa  largeur  d'une  coudee,  et  sa  hauteur  de  coudee  et  demie.  ll.  Et  la  couvrit  de  fin  or,  et  luy  fit  un  couronnement  d'or  a  l'entour.  12.  Aussi  luy  fit  l'embastement  d'une  paume  a  l'entour,  et  fit  a��  l'entour  de  son  embastement  un  couronnement  d'or.  13.  Et  luy  fondit  quatre  anneaux  d'or,  et  mit  les  anneaux  aux  quatre  coins  vers  les  quatre  pieds.  14.  Les  anneaux  estoyent  contre  l'embastement  pour  y  mettre  les  barres  a  porter  la  table.  15.  Et  fit  lesdites  barres  de  bois  de  Setim,  lesquelles  il  dora  d'or  pour  porter  la  table.  16.  Item,  il  fit  des  vaisseaux  pour  poser  sur  la  tables  ses  escuelles,  ses  cueilleres,  ses  hanaps,  et  ses  gobelets  (desquels  on  devoit  verser)  de  pur  or.  17.  Item,  il  fit  le  chandelier  de  fin  or  duit  au  marteau,  sa  iambe,  ses  branches,  ses  platelets,  ses  pommeaux,  et  ses  fleurs  *)  En  marge:  ou,  a  l'esguille.