52:140  tamus  Deum  praeclaris  nos  donis  ornasse,  ut  compleat  quod  coepit:  nos  eo  duce  ac  directore  in  recto  cursu  progressos  esse,  ut  perveniamus  usque  ad  metam.  Nam  sicuti  inanis  virtutum,  quas  stulte  sibi  arrogant  homines,  fiducia,  eos  inflat  superbia,  et  in  posterum  securos  ac  ignavos  reddit:  ita  donorum  Dei  agnitio  pias  mentes  humiliat  et  ad  sollicitudinem  acuit.  Ideo  pro  gratulatione  gratiarum  actionem  ponit:  ut  Dei  beneficium  esse  admoneat  quidquid  praedicat  esse  in  ipsis  laude  dignum.  Et  statim  se  ad  futurum  tempus  convertit,  dum  meminit  precationis.  Ita  videmus  quorsum  superiorem  vitam  commendet.  3.  Indesinenter  memores  vestri.  Quam  quam  adverbium  indesinenter  coniungi  posset  superioribus:  melius  tamen  sic  cohaeret.  Quae  sequuntur  sic  etiam  verti  possent:  Memoria  repetentes  vestrum  opus  fidei,  laborem  charitatis,  ete.  Nec  obstat  articulus  interpositus  inter  pronomen  ojx&v  et  nomen  Ipyou:  nam  ita  saepe  invenitur  apud  Paulum.  Hoc  ideo  dico  ne  quis  inscitiae  damnet  veterem  interpretem  qui  sic  reddidit.  Quia  tamen  ad  rei  summam  parum  interest,  alterutrum  eligas:  ergo  Erasmi  versionem  retinui.  Caeterum  causam  reddit  cur  tantopere  sit  eorum  studiosus  et  sedulo  pro  ipsis  precetur:  quia  scilicet  dona  Dei  in  illis  animadverterit,  quae  in  sui  amorem  ac  reverentiam  incitare  ipsum  debeant.  Et  sane  quo  quisque  magis  et  pietate  et  aliis  virtutibus  excellit,  eo  maior  nobis  habenda  est  eius  cura  et  ratio.  Quid  enim  magis  amabile  quam  Deus?  Ergo  nihil  est  quod  magis  conciliare  nobis  homines  debeat,  quam  dum  se  Dominus  in  illis  per  spiritus  sui  dona  manifestat.  Haec  summa  omnium  apud  pios  est  commendatio:  hoc  sanctissimum  necessitudinis  vinculum  quo  maxime  obstringimur.  Proinde  dixi  parum  referre  utrum  legas,  memores  fidei  vestrae,  an  memores  vestri  propter  fidem.  Opus  fidei.  Accipio  pro  effectu.  Sed  hic  effectus  duplici  modo  potest  exponi,  passive  et  active:  vel  quod  fides  in  se  illustre  virtutis  et  efficaciae  spiritus  sancti  specimen  fuerit,  quod  potenter  operatus  sit  in  ea  excitanda:  vel  quod  ipsa  fructus  deinde  suos  extra  protulerit.  Ego  effectum  in  ipsa  potius  fidei  radice  quam  in  fructibus  constituo: