42:140  quelle  est  la  perversite  des  hommes  et  leur  ingratitude,  veu  que  cette  doctrine  ici  est  tant  souventesfois  reiteree,  et  neantmoins  qu'elle  ne  leur  profite  de  rien.  Or  tant  y  ha  que  c'est  a  bon  escient  que  Dieu  ha  parle  ainsi  par  son  ange,  en  disant  aussi,  que  ceux  qui  sont  entendus  luiront  comme  le  firmament,  comme  s'il  disoit,  ie  vous  declare  que  cette  vie  ici  n'est  qu'un  passaige,  que  la  mort  n'est  point  la  fin  finalle,  quand  les  hommes  sont  mis  au  sepulchre,  qu'ils  pourrissent  la,  ce  n'est  pas  pour  y  demourer  a  iamais,  car  il  faut  qu'il  y  ait  une  vie  seconde:  ceux  donc  qui  auront  dormi  seront  resucites.  Apres  que  Dieu  ha  parle  ici  il  adiouste,  Or  voules  vous  estre  participans  de  cette  resurrection  ici,  pour  estre  heritiers  de  ma  gloire,  soies  entendus,  ii  est  vray  que  vos  corps  s'en  iront  en  pourriture,  mais  quoy?  il  vous  en  retirera,  moiennant  que  vous  aies  regard  a  cette  charite  de  vie  qui  vous  est  presentee,  ouvres  donc  les  yeux  et  comprenes  cette  doctrine  a  fin  de  venir  a  moy.  Voila  comme  Dieu  parle,  il  est  vray  que  ce  n'est  point  encores  a  nous  d'ouvrir  les  yeux,  ne  de  iouir  de  cette  clarte  que  Dieu  nous  presente,  sinon  qu'il  nous  en  face  la  grace,  mais  tant  y  ha  que  nous  sommes  coulpables,  et  n'y  ha  nulle  excuse  pour  nous,  si  l'Evangile  nous  est  preschee,  et  cependant  que  nous  ne  Pentendions  point,  car  qui  est  cause  de  cela  sinon  nostre  malice,  il  n'y  ha  point  ici  une  ignorance  qui  ne  soit  volontaire,  quand  Dieu  nous  convie  a  foy,  qu'il  nous  presente  Iesus  Christ,  a  fin  d'estre  conioints  a  luy  comme  a  son  corps,  lequel  nous  declare  qu'il  est  la  clarte  du  monde,  qu'il  est  la  voie,  la  verite,  et  la  vie,  quand  (di-ie)  Dieu  ha  fait  un  tel  office  envers  nous,  que  nous  demeurerons  tousiours  en  nostre  aveuglement,  a  qui  est  ce  que  nous  reietterons  la  coulpe,  a  qui  est  ce  que  nons  imputerons  ce  mal  la?  ne  faut  il  pas  bien  donc  que  les  incredules  se  condamnent  eux  mesmes,  et  qu'ils  soient  convaincus?  Et  ainsi  nottons  en  premier  lieu  sur  ce  passage,  qu'il  n'y  ha  qu'une  seule  vraye  intelligence,  et  que  Dieu  approuve,  c'est  que  nous  souffrions  qu'il  nous  conduira  par  sa  parole,  et  qu'il  nous  enseigne  par  la  doctrine  de  son  Evangile,  si  donc  nous  obeissons  a  nostre  Dieu,  le  tenant  pour  nostre  maistre,  et  que  nous  soions  les  vrays  disciples,  alors  nous  serons  bien  entendus,  nous  serons  sages  comme  Dieu  le  demande,  voila  un  item.  Or  pour  le  second  il  nous  faut  venir  a  l'opposite,  pour  renverser  tout  ce  qui  est  de  la  sagesse  des  hommes,  et  pour  la  condamner,  quand  les  hommes  voudront  cheminer  en  leur  propre  sens,  qu'ils  voudront  estre  sages.  Il  faut  que  nous  reprouvions  tout  cela,  que  Dieu  le  reprouve,  et  aussi  defions  nous  de  tout  ce  qui  nous  viendra  en  nostre  fantasie,  et  connoissons  qu'il  n'y  ha  qu'une  seule  verite,  c'est  a  scavoir  celle