27:140  hommes  ne  savent  faire  profiter  la  doctrine,  quand  Dieu  la  leur  envoye,  qu'elle  leur  sera  tournee  a  mort  eternelle,  et  qu'ils  auront  tant  moins  d'excuse,  et  qu'il  faudra  que  leur  condamnation  redouble,  d'autant  qu'ils  auront  mesprise  le  bien  qui  leur  estoit  presente.  Or  ceci  nous  est  bien  necessaire.  Car  nous  voyons  comme  on  se  ioue  de  la  parolle  de  Dieu:  et  ceux  qui  ne  la  reiettent  point  du  tout,  cuident  estre  a  demi  absouts:  quand  ils  ne  s'en  rendent  point  ennemis  mortels  pour  faire  la  guerre,  ii  leur  semble  que  Dieu  s'en  doit  contenter.  Or  pensons-nous  que  Dieu  vueille  qu'un  tel  bien  perisse?  Il  nous  presentoit  la  vie,  et  nous  la  reiettons:  ceste  ingratitudela  ne  merite-elle  pas  une  horrible  vengeance?  Et  puis  Dieu  prise  son  honneur  encores  plus  que  le  salut  de  nos  ames.  Et  c'est  bien  raison.  Or  il  nous  a  monstre  le  moyen  comment  il  doit  estre  glorifie  de  nous:  et  nous  n'en  tenons  conte,  nous  reiettons  tout  cela.  Et  ainsi,  pensons  bien  que  si  nous  ne  recevons  benediction  de  la  parolle  de  Dieu,  c'est  a  dire,  qu'elle  nous  serve  afin  que  nous  soyons  reconciliez  avec  luy,  pour  le  tenir  comme  nostre  pere,  qu'il  faudra  en  despit  de  nos  dents  que  nous  le  sentions  nostre  iuge,  et  que  sa  parolle  nous  condamne  :  au  lieu  qu'elle  nous  eust  este  un  tesmoignage  de  sa  dilection  pour  nous  mener  a  salut,  et  a  cest  heritage  du  royaume  des  cieux,  il  faudra  qu'elle  nous  soit  un  proces  criminel  qui  s'execute  sur  nos  testes,  que  nous  soyons  maudits  en  ceste  vie  presente:  et  apres  nostre  trespas,  que  la  vengeance  de  Dieu  nous  persecute  tousiours,  pour  n'avoir  point  obey  a  la  parolle  de  Dieu,  quand  elle  nous  estoit  preschee,  et  qu'on  nous  la  mettoit  en  avant.  Or  apprenons  donc  maintenant,  puis  que  Dieu  declaire  que  c'est  le  temps  agreable,  lors  qu'il  nous  convie  a  soy,  apprenons  (di-ie)  de  venir,  et  nous  haster:  afin  que  ceste  menace  ne  s'accomplisse  sur  nous,  c'est  que  nous  soyons  maudits  avec  nostre  impiete,  quand  nous  n'aurons  point  voulu  recevoir  le  bien  qui  nous  estoit  offert.  Et  sur  tout  auiourd'huy  nous  devons  estre  incitez  beaucoup  plus  a  cela,  d'autant  que  les  peres  anciens  n'en  ont  point  eu  l'occasion  telle.  Il  est  vray  que  Moyse  pouvoit  bien  dire  qu'il  presentoit  la  benediction  a  ceux  du  peuple  en  la  Loy:  mais  auiourd'huy  nous  avons  la  benediction  qui  est  desployee  on  l'Evangile  bien  plus  ouvertement.  Il  y  avoit  des  promesses  qui  estoyent  obscures  alors  :  elles  monstroyent  bien  Iesus  Christ,  mais  c'estoit  de  loin:  elles  rendoyent  bien  quelque  petit  goust  de  la  vie,  mais  auiourd'huy  nous  en  sommes  rassasiez,  que  Dieu  nous  donne  la  son  coeur,  qu'il  n'omet  rien,  afin  de  nous  faire  sentir  une  amour  inestimable,  et  que  par  ce  moyen  nous  soyons  attirez  a  luy,  et  gagnez.  Puis  qu'ainsi  est,  cependant  que  la  Loy  nous  ne  monstre  de  loin,  et  que  l'Evangile  nous  en  approche  de  plus  pres:  que