20:140  (Ancienne  Copie.  Bibi.  de  Geneve  Vol.  107,  fol.  165.  .  Vol.  115a,  fol.  13;  Berne  F.  60;  Ruebat  VII.  405;  Bonnet  IL  534;  Trad.  angi.  IV.  332.)  A  Madame  la  Comtesse  de  Seniguan.  Madame,  combien  que  ie  ne  vous  aie  point  escript  iusques  icy,  ce  n'a  point  este  faulte  de  bonne  devotion  de  memploier  a  vous  faire  service,  et  aussy  que  ie  naye  eu  memoire  de  vous  envers  Dieu,  comme  ie  suis  oblige.  Mais  daultant  que  les  lettres  ne  vous  peuvent  point  apporter  grant  profit,  ioinct  que  mon  frere  Monsieur  de  Beze  satisfesoit  assez  pour  nous  deux,  ie  men  suis  deporte.  Mais  en  la  fin  craignant  de  faillir  a  mon  debvoir,  ie  nay  point  voulu  differer  plus  long  temps.  Or,  Madame,  ie  remercie  Dieu  en  premier  lieu  de  la  constance  qu'il  vous  a  donnee  pour  ne  point  estre  esbranlee  de  quelques  troubles  qu'il  y  ait  eu  en  France,  mais  quen  perseverant  vous  avez  monstre  que  vostre  foy  estoit  bien  fondee  et  avoit  pris  vive  racine  pour  demourer  immuable.  Il  reste  de  prendre  aussy  courage  a  ladvenir,  car  encores  qu'il  ny  ait  point  de  si  rudes  assaulx  quon  les  a  veus,  le  diable  a  beaucoup  de  moiens  pour  destourner  les  enfans  de  Dieu  du  bon  chemin,  et  ne  fussent  que  les  mauvais  exemples  qui  les  environnent  de  tous  costez,  plusieurs  sont  volages,  aucuns  de  tout  prophanes.  Les  uns  se  refroidissent,  les  aultres  sont  delicatz,  les  aultres  s'abandonnent  a  mener  vie  dissolue.  Bref  tout  est  plain  de  scandalles.  D'aultantplus  donc  avez  vous  besoing,  Madame,  de  vous  tenir  sur  voz  gardes  et  vous  fortiffier,  tellement  que  vous  soiez  comme  ung  miroir  pour  ramener  au  bon  chemin  ceulx  qui  sont  en  train  de  sesgarer.  Cependant  a  ce  que  ientens,  Dieu  vous  exerce  pour  vous  faire  praticquer  que  cest  de  patience,  remectant  vostre  vie  entre  ses  mains,  daultant  que  vous  estes  fort  debille  et  affligee  de  beaucoup  de  maladies,  dont  iay  aussy  ma  part,  pour  estre  en  mesme  praticque.  Mais  quoy  qu'il  en  soit,  nous  avons  bien  a  nous  contenter  quen  languissant  nous  sommes  soustenuz  par  la  vigueur  de  l'esprit  de  Dieu.  Et  au  reste  que  si  ceste  loge  corruptible  va  en  decadence,  nous  scavons  que  nous  serons  restaurez  en  brief  pour  ung  bon  coup  et  a  perpetuite.  Quoy  quil  en  soit,  nous  avons  occasion  de  mieulx  congnoistre  que  vault  l'evangile,  quant  il  ny  a  point  de  repos  ni  contentement  pour  nous  en  ce  monde.  schot,  son  parent,  lui  avait  intente  un  proces  et  l'avait  fait  emprisonner.  Lorsqu'il  eut  ete  fait  prisonnier  a  St.  Quentin,  les  Guise,  plutot  par  haine  pour  lui  que  par  affection  pour  elle,  prosperent  de  l'occasion  pour  la  consoler  et  la  soulager  dans  ses  malheurs.  Elle  mourut  en  1566  (de  Tkou  Hi.  759.  Bist  eccl  II.  235).