8:14  plerosque  eorum  qui  fideles  habentur,  dum  alienae  ac  prorsus  adversae  professionis  hominibus  permixti  rationem  fovendae  amicitiae  quaerunt  :  ambitio,  quasi  tempestas  quaedam,  abripit,  ut  evangelium  abiicere  malint,  quam  a  communi  vita  dissidere.  1)  Quando  igitur  cum  tot  ac  tam  diversis  monstris  est  mihi  confligendum,  hanc  distinctionem  praeponi  operae  pretium  fuit,  vel  hac  una  de  causa,  ut  si  singula  recensere  non  patiatur  infinitas,  ad  genera  se  referant  lectores.  Ergo,  ut  de  prima  classe  disserere  exordiar,  male  habet  fastuosos  homines,  et  pompis  deditos,  quod  plebeio  et  abiecto  dicendi  genere,  spiritus  utitur  in  scripturis*  qui  etiam  elegantiae  assueti  sunt  ac  nitori,  incultam  istam  et  nullis  coloribus  vestitam  orationem  vel  respuunt,  vel  fastidiunt.  Hic  mihi  defensionis  partem  ab  aliis  tractatam  suscipere  non  libet:  talem  ex  inscitia  contemptum  nasci,  quia  non  minus  in  sua  lingua  expoliti  sunt  Moises  et  plerique  ex  prophetis,  quam  qui  apud  Graecos  et  Latinos  summa  cum  admiratione  plausuque  philosophi  aut  oratores  leguntur.  Etsi  enim  hebraeae  linguae  peritis  satis  id  notum  est:  quia  tamen  nihilo  [pag.  12]  Amos  minus  est  propheta,  quam  Iesaias  :  eundem  Ieremias  gradum  obtinet  quem  David,  quorum  tamen  oratio  minime  parem  splendorem  habet:  quin  potius  Ieremiae  stylus  oppidanum2)  hominem,  Amos  vero  pecuarium  redolet:  libenter  fateor  sacros  libros,  quibus  tota  coelestis  philosophia  continetur,  non  rhetorum  modo  picturis,  sed  mediocri  etiam  ornatu,  qualem  etiam  literati  homines  desiderant,  esse  vacuos:  sed  nimis  sunt  morosi,  quibus  ob  hanc  causam  minus  sapiunt.  Qui  vero  hoc  praetextu,  eorum  autoritatem  extenuant,  nimis  iniqui  sunt  ac  maligni.  Non  modo  concedit  Paulus,  eloquentiam  sibi  deesse:  sed  ultro  praedicat  ac  gloriatur  (1  Cor.  2,  1).  An  vero  ideo  contemptior  eius  doctrina  esse  debet?  Quin  potius,  ubi  nullus  est  orationis  splendor  qui  oculos  perstringat,  melius  relucere  contendit  vim  coelestis  sapientiae.  Nec  vero  quidquam  tradit,  usque  ad  caput  quartum  prioris  ad  Corinthios  epistolae,  quam,  tunc  demum  rite  fundatam  esse  fidem  in  spiritus  sancti  sapientia  et  virtute,  ubi  dictionis  elegantia  et  ingenioso  artificio  animi  non  ducuntur.  Idque  certo  fidei  experimento  quisque  nostrum  compertum  habet.  Certe,  si  Demosthenis  vel  Ciceronis  coloribus  picta  esset  Ioannis  vel  Pauli  doctrina,  plus  forte  ad  lectores  alliciendos  haberet  gratiae,  gravitatis  autem  ad  conscientias  permovendas,  et  dignitatis  ad  conciliandam  sibi  autoritatem,  ne  centesima  quidem  pars  restaret.  Viva  enim  Dei  l)^ne  laissent  point  de  se  tenir  a  la  facon  commune,  et  sur  cela  l'ambition  les  transporte:  tellement  ilz  aiment  mieux  se  conformer  au  monde  qu'a  Iesus  Christ.  2)  paisant.