53:14  et  tant  y  a  qu'il  y  a  une  mesme  raison.  Pourquoy?  Il  est  vray  que  c'est  Dieu  seul  qui  nous  engendre  par  sa  Parole,  laquelle  se  nomme  semence  de  vie:  mais  cependant  il  appelle  l'Eglise  nostre  mere.  Car  tout  ainsi  qu'une  mere  concoit,  et  qu'elle  porte  ses  enfans,  et  qu'elle  les  nourrit,  ainsi  Dieu  ayant  tousiours  sa  Parole  en  son  Eglise,  veut  que  nous  soyons  et  engendrez  par  icelle,  et  nourris  et  elevez,  iusques  a  ce  que  nous  soyons  venus  en  aage  d'homme,  comme  S.  Paul  en  parle.  Voila  donc  l'Eglise  qui  est  appelee  nostre  mere  celeste,  et  l'Escriture  est  pleine  de  cela.  Et  S.  Paul  declarant  ce  qui  en  a  este  dit  aux  Prophetes,  monstre  que  c'est  par  la  parole  de  l'Evangile,  qui  est  la  semence  de  vie,  que  nous  sommes  faits  enfans  de  Dieu.  Pour  cela  l'Eglise  est  nommee  nostre  mere  au  4  des  Galates.  Or  par  une  mesme  raison  ceux  ausquels  ceste  charge  est  commise  de  porter  l'Evangile,  sont  appelez  peres,  quand  ils  engendrent  en  Iesus  Christ  par  la  semence  de  vie  incorruptible,  et  qu'ils  nourrissent  les  ames,  et  qu'ils  les  elevent  iusques  a  ce  qu'elles  soyent  venues  a  perfection.  Comment  est-ce  que  nous  sommes  faits  enfans  de  Dieu?  C'est  par  la  parole  de  l'Evangile.  Et  ceste  parole-la  d'ou  nous  est  elle  proferee,  sinon  du  coste  des  hommes?  Et  ainsi  donc  puis  que  les  hommes  sont  envoyez  de  Dieu,  qui  les  introduit  comme  en  son  lieu  afin  de  gaigner  les  hommes  a  salut,  et  puis  qu'avec  la  Parole,  il  adiouste  aussi  les  Sacremens,  voila  comme  une  naissance  nouvelle,  et  Dieu  monstre  la  qu'au  lieu  que  nous  estions  nais  enfans  d'Adam,  et  que  nous  demourions  en  sa  malediction,  vivans  au  monde,  que  tout  cela  est  aboli  en  nous  par  le  moyen  de  son  adoption  gratuite.  Puis  qu'ainsi  est  donc  que  les  hommes  sont  ainsi  constituez  au  nom  de  Dieu,  et  que  par  leur  moyen  les  ames  sont  appelees  a  la  vie  immortelle,  il  ne  se  faut  point  esbahir  s'ils  sont  aussi  appelez  peres.  Et  voila  pourquoy  sainct  Paul  ne  fait  point  difficulte  de  se  nommer  pere  tant  ici  que  par  toutes  ses  epistres,  mesmement  aux  Corinthiens.  Son  intention  n'est  pas  de  s'avancer  en  derogant  rien  qui  soit  a  Dieu,  ne  portant  preiudice  a  ce  qui  luy  est  reserve  et  doit  estre  garde:  mais  plustost  S.  Paul  magnifie  la  grace  de  Dieu,  lequel  avoit  ainsi  engendre  des  fideles  par  son  moyen.  Sainct  Paul  en  somme  ne  veut  point  obscurcir  la  gloire  de  Dieu,  ni  attirer  a  soy  ce  qui  ne  luy  appartient  point:  car  ce  seroit  un  sacrilege  execrable:  mais  plustost  afin  que  Dieu  soit  recognu  Pere  souverain,  il  monstre  que  les  fideles  ont  este  attirez  a  la  vie  celeste  par  son  moyen:  comme  s'il  disoit,  Mes  amis  nous  avons  tous  ensemble  un  Pere  de  tous,  et  de  vous  et  de  moy,  c'est  luy  qui  par  sa  vertu  nous  a  regenerez,  c'est  luy  qui  nous  maintient:  mais  cependant  avisons  que  la  semence  de  vie  (et  de  vie  incorruptible)  soit  en  nous,  d'autant