49:14  ipsius  persona  ipsos  ad  docilitatem  inclinat  testificatione  sincerae  suae  dilectionis.  Nihil  autem  con8ultori  efficacius  ad  faciendam  fidem  quam  si  opinionem  hanc  sit  adeptus1),  ut  putetur  nobis  ex  animo  studere  ac  prospicere.  Primum  hoc  animadversione  dignum,  quod  eorum  fidem  sic  laudat,  ut  tamen  Deo  ferat  acceptam2).  Quo  docemur,  fidem  esse  donum  Dei.  Nam  si  gratiarum  actio  beneficii  agnitio  est:  fidem  esse  a  Deo  fatetur  qui  de  ipsa  gratias  Deo  agit.  Quando  autem  videmus  apostolum  suas  gratulationes  semper  a  gratiarum  actione  ordiri:  sciamus  nos  admoneri,  bona  omnia  nostra  Dei  esse  beneficia.  Quin  etiam  talibus  loquendi  formulis  assuescere  expediat,  quibus  nos  semper  acrius  exstimulemus  ad  agnoscendum  Deum  bonorum  omnium  largitorem:  aliosque  una  ad  eandem  cogitationem  erigamus.  Id  si  in  minutulis  benedictionibus  observare  convenit,  multo  magis  in  fide:  quae  nec  mediocris,  nec  promiscua  est  Dei  gratia.  Praeterea  hic  habemus  exemplum,  quomodo  per  Christum  agendae  sunt  gratiae,  secundum  apostoli  praeceptum^  ad  Heb.  13,  15;  quemadmodum  in  ipsius  nomine  misericordiam  a  patre  et  petimus  et  obtinemus.  Postremo  Deum  suum  nuncupat.  Specialis  haec  fidelium  praerogativa,  quibus  solis  id  honoris  Deus  defert.  Subest  enim  mutua  relatio,  quae  in  promissione  exprimitur:  Ero  illis  in  Deum:  ipsi  erunt  mihi  in  populum.  Quamquam  ad  personam,  quam  sustinebat  Paulus,  restringere  malo:  ut  sit  approbatio  eius  obsequii,  quod  Domino  praestat  in  evangelii  praedicatione.  Sic  Ezechias  Deum  vocat  Iesaiae  Deum,  quum  veri  et  fidelis  prophetae  testimonium  illi  reddere  vult  (Iesa.  37,  4).  Sic  et  Danielis  vocatur  Deus  (Dan.  6,  21)  per  excellentiam:  quia  Daniel  purum  eius  cultum  asseruerat.  Ab  universo  mundo.  Proborum  hominum  praeconium  erat  Paulo  instar  universi  orbis  in  aestimanda  Romanorum  fide.  Neque  enim  sincerum  vel  probabile  de  ea3)  testimonium  reddere  poterant  infideles,  quibus  exsecrationi  potius  erat.  Praedicatam  ergo  in  toto  orbe  fidem  Romanorum  intelligamus  omnium  fidelium  ore,  qui  de  ipsa  recte  et  sentire  et  pronuntiare  poterant.  Quod  impiis  ne  Romae  quidem  noscitabatur4)  haec  exigua  et  ignobilis  hominum  manusi  nihil  id  retulit:  quando  eorum  iudicium,  tanquam  nihili,  non  morabatur  Paulus.  9.  Testis  enim  mihi  est  Deus.  Caritatem  suam  ostendit  ab  effectis.  Nisi  enim  vehementer  eos  amasset,  non  ita  sollicite  commendasset  eorum  salutem  Domino,  praesertim  vero5)  sua  opera  eandem  promovere  non  tam  ardenter  desiderasset.  Illa  igi-  !)  assequutus.  2)  tandem  ad  Deum  referat.  3)  illi.  4)  noscitabantur.  5)  nec.