46:14  d'apprendre  de  nouveau  ce  qui  nous  estoit  incognu  auparavant,  mais  pour  estre  confermez  de  plus  en  plus,  et  pour  en  estre  mieux  resolus,  afin  que  nostre  foy  demeure  tousiours  victorieuse.  Et  si  nous  avons  este  bien  enseignez,  que  nous  le  soyons  encore  mienx:  et  que  la  doctrine  que  nous  avons  receue  ait  ceste  asseurance  dont  parle  yci  S.  Luc:  afin  que  nous  resistions  a  tout  ce  que  le  diable  nous  pourra  mettre  en  avant,  et  les  meschans,  les  ennemis  de  verite,  et  les  mocqueurs  de  Dieu:  que  nous  soyons  armez  contre  tous  ceux-la,  en  sorte  que  nous  ne  soyons  iamais  esbranlez,  et  ne  flechissions  pour  rien  qui  nous  puisse  advenir,  que  nous  ne  persistions  iusqu'a  la  fin  en  la  verite,  que  nostre  Seigneur  nous  a  si  bien  verifiee  et  ratifiee.  Or  nous  nous  prosternerons  devant  la  maieste  de  nostre  bon  Dieu,  etc.  SECOND  SERMON.  LUC.  Ch.  I.  5.  Au  temps  d?Herode  Uoy  de  Iudee,  il  y  avoit  un  Sacrificateur,  nomme  Zacharie,  du  rang  d'AMa:  et  sa  femme  estoit  des  filles  d'Aaron:  et  le  nom  d'icelle  Elizabeth.  6.  Tous  deux  estoyent  iustes  devant  Dieu,  cheminans  en  tous  les  commandemens  et  ordonnances  du  Seigneur,  sans  reproche.  7.  Or  ils  n'avoyent  point  d!enfant,  a  cause  qu1  Elizabeth  estoit  sterile,  et  tous  deux  estoyent  fort  aages.  8.  Adveint  comme  Zacharie  exercoit  la  Sacrificature  devant  le  Seigneur  a  son  rang,  9.  Selon  la  coustume  de  Voffice  de  Sacrificature,  le  sort  luy  escheut  de  faire  encensemens,  apres  qu'il  seroit  entre  au  Temple  du  Seigneur.  10.  Et  toute  la  multitude  du  peuple  prioit  dehors  a  l'heure  de  V  encensements  Pource  que  Dieu  se  vouloit  servir  de  Iean  Baptiste  en  choses  excellentes,  il  a  voulu  que  des  sa  naissance  il  fust  renomme,  et  qu'on  eust  les  yeux  iettez  sur  luy,  afin  d'attendre,  quand  il  seroit  venu  en  aage,  quelque  chose  grande  de  celuy  qui  avoit  desia  este  marque  de  une  vertu  celeste,  et  sur  lequel  Dieu  avoit  desia  desploye  un  miracle  digne  de  memoire.  Or  nous  voyons  que  Dieu  a  voulu  monstrer  sa  grace  par  ce  moyen,  quand  outre  l'ordre  commun  de  nature,  il  a  fait  que  ceux  qui  devoyent  estre  nommez  en  l'Eglise,  et  tenus  comme  des  perles,  naquissent  (comme  i'ay  dit)  avec  miracles  evidens.  Et  sur  tout  nous  le  voyons  en  Isaac,  pource  que  c'est  comme  une  image  de  l'Eglise.  Dieu  a  voulu  qu'Abraham  l'ait  engendre  du  temps  qu'il  estoit  desia  vieil  et  caduque,  et  que  Sara,  qui  avoit  este  sterile  toute  sa  vie,  estoit  desia  comme  desesperee,  quant  a  concevoir.  La  nous  pouvons  contempler,  que  Dieu  suscite  son  Eglise,  non  point  d'une  facon  commune,  mais  ainsi  que  sainct  Paul  en  parle,  appelant  les  choses  qui  ne  sont  point,  comme  si  elles  estoyent.  Et  voyla  pourquoy  aussi  il  dit  en  l'autre  passage,  que  nous  sommes  de  Dieu,  signifiant  que  nous  tenons  nostre  estre  et  nostre  condition  entant  qu'il  nous  a  faits,  et  que  nous  attendons  l'heritage  du  royaume  des  cieux:  que  nous  tenons,  di-ie,  tout  cela,  non  point  comme  l'ayant  de  nature  des  nostre  naissance,  mais  comme  par  miracle.  Voyla  donc  pourquoy  il  nous  est  yci  recite,  que  Iean  Baptiste  a  este  donne  a  Zacharie  son  pere,  du  temps  que  iamais  on  ne  l'eust  attendu  ni  pense  :  mesmes  Zacharie  estimoit  qu'il  n'y  eust  plus  d'ordre.  Il  avoit  bien  desire  lignee  tout  le  temps  de  sa  vie,  mais  alors  il  estoit  comme  forclos  d'esperance,  et  iamais  (comme  i'ay  dit)  le  monde  n'eust  iuge  qu'Elizabeth  ayant  este  femme  sterile  en  la  floeur  de  son  aage,  deust  lors  concevoir.  Or  donc  voyla  une  marque  que  Dieu  luy  a  donnee,  afin  qu'on  s'attendist  a  veoir  plus  grandes  choses  en  sa  personne.  Mais  notons  que  cela  ne  s'est  point  fait  a  cause  de  luy.  Car  comme  il  a  proteste  en  exercant  son  office,  il  a  fallu  qu'il  fust  amoindri,  et