45:14  ne  optare  quidem  ausus  fuisset.  Mox  etiam  ultra  progreditur,  non  fore  domesticum  istud  gaudium,  quo  fruantur  soli  parentes,  vel  quod  se  privatis  parietibus  contineat,  sed  extraneis  etiam  commune,  ad  quod  nativitatis  fructus  patebit.  Perinde  ergo  est  ac  si  diceret  angelus,  non  uni  tantum  Zachariae  nasciturum  filium,  sed  doctorem  toti  populo  ac  prophetam.  Abusi  sunt  hoc  loco  papistae,  ut  profanum  morem  inducerent  in  celebrando  Ioannis  natali.  Hoc  omitto,  quod  tripudiis  et  saltationibus  ac  omne  genus  lasciviis,  comessandi  licentia  nimis  praepostere  diem  colunt,  quem  fingunt  sibi  sacrum  esse,  imo  quod  magicis  artibus  et  diabolicis  praestigiis  in  eo  sibi  ludere  permittunt,  non  secus  atque  in  Cereris  mysteriis.  In  praesentia  mihi  breviter  ostendere  sufficit,  angeli  verba  insulse  ab  illis  torqueri  ad  annuam  diei  natalis  laetitiam,  quum  simpliciter  gaudium  commendet  angelus,  quod  rediturum  ad  omnes  pios  erat  ex  fructu  doctrinae.  Gavisi  enim  sunt,  natum  sibi  esse  prophetam,  cuius  ministerio  adducti  sunt  in  spem  salutis.  15.  Erit  enim  magnus.  Confirmat  quod  dixit  de  gaudio,  quia  ad  rem  magnam  et  insolitam  destinatus  erat  Ioannes.  Neque  enim  hic  tam  laudantur  virtutes  quibus  excelluit,  quam  magnitudo  et  excellentia  officii  extollitur:  quemadmodum  Christus  (Matth,  l  l  ,  ll),  dum  praestantissimum  inter  filios  mulierum  esse  affirmat,  non  tam  ad  sanctimoniam  vitae,  quam  ad  ministerium  respicit.  Quod  continuo  post  sequitur,  vinum  et  siceram  non  bibet,  non  ita  accipiendum  est,  quasi  praecipua  fuerit  Ioannis  virtus  esse  abstemium,  sed  quia  hoc  conspicuo  symbolo  servum  suum  insignire  voluit  Deus,  unde  mundus  perpetuum  Nazaraeum  agnosceret.  Abstinebant  etiam  et  sacerdotes  a  vino  et  sicera,  quum  suas  vices  in  templo  peragerent.  Eadem  abstinentia  Nazaraeis  praescripta  erat,  donec  completum  foret  eorum  votum.  Deus  autem  notabili  tessera  Ioannem  in  totam  vitam  Nazaraeum  dicatum  esse  sibi  monstravit,  sicuti  et  in  Simsone  factum  esse  legimus.  Caeterum  non  est  hoc  praetextu  fingendus  Dei  cultus  in  vini  abstinentia,  quemadmodum  simiae  quidvis  ex  patrum  factis  arripiunt,  quod  aemulentur.  Solum  omnes  temperantiam  colant:  qui  noxam  sentiunt  ex  vini  potu,  sponte  abstineant:  qui  carent,  defectum  ferant  aequo  animo.  Quantum  ad  sicerae  nomen,  libenter  eorum  sententiae  subscribo,  qui  1DV/  Hebraeis  dici  putant  quodvis  genus  vini  facticii.  Spiritu  sancto  replebitur.  His  verbis  nihil  aliud  notari  arbitror  quam  indolem  apparituram  in  Ioanne,  quae  spem  ostendat  futurae  magnitudinis.  Porro  indolem  dico,  non  qualis  exstat  etiam  in  profanis  hominibus,  sed  quae  officii  praestantiae  respondeat.  Sensus  ergo  est,  non  modo  tunc  in  eo  se  proferet  vis  et  gratia  spiritus,  quum  auspicabitur