43:14  Assyriis:  sed  tamen  postea  recuperasse  novas  vires,  et  tempore  Alexandri  magni  fuisse  liberam  civitatem.  Nunc  pergamus.  Nam  ego  non  insisto  in  singulis  verbis,  quando  videmus  easdem  sententias  a  propheta  repeti.  l  l  .  Sic  dicit  Iehova,  Super  tribus  sceleribus  Edom,  et  super  quatuor  non  ero  ei  propitius,  quia  persequutus  est  gladio  fratrem  suum,  et  violavit  misericordias  suas.  et  diripuit  in  saeculum  ira  eius,  et  indignationem  servavit  perpetuo.  12.  Et  mittam  ignem  in  Theman,  qui  comedet  palatia  Bosrah.  Iam  propheta  transit  ad  ipsos  Idumaeos.  Denuntiavit  interitum  gentibus  incircumcisis,  quae  prodiderant  Iudaeos  in  illorum  manus.  Ergo  oportuif  illas  multo  durius  puniri,  quo  scilicet  atrocius  erat  ipsorum  crimen.  Ducebant  enim  originem  Idumaei  a  patre  communi  Isaac,  quemadmodum  satis  notum  est,  et  gestabant  idem  foederis  Dei  symbolum.  Erant  enim  circumcisi.  Quum  neque  sanguinis  propinquitas,  neque  sacra  illa  coniunctio  posset  ipsos  placare  Iudaeis,  hinc  colligitur  quam  bruta  fuerit  eorum  inhumanitas.  Ergo  indigni  erant  quibus  Deus  ignosceret,  quum  severus  esset  iudex  contra  profanas  gentes.  Dicit  autein  nunc  propheta  Idumaeos  nihilo  levius  peccasse  quam  suos  vicinos,  et  fuisse  insanabilem  eorum  pervicaciam:  non  posse  igitur  amplius  tolerari,  quia  nimis  diu  abusi  fuerint  Dei  clementia,  qui  vindictam  suam  sustinuerat  usque  ad  illud  tempus.  Scelus  autem  ipsorum  accusat,  quod  persequuti  sint  gladio  fratrem  suum.  Est  autem  heterosis  numeri,  quia  loquitur  de  toto  populo.  Edom  ergo  persequutus  erat  fratrem  suum,  nempe  Iudaeos.  Sed  propheta  consulto  singularem  numerum  posuit,  ut  crimem  augeret  hoc  modo.  Statuit  enim  hic  quasi  duos  homines  Edom  et  Iacob,  illi  erant  fratres  germani,  imo  etiam  uterini.  Quum  persequebatur  Edom  fratrem  suum  Iacob,  nonne  ista  ferocitas  magis  est  exsecrabilis?  Duos  ergo  populos  hic  proponit  tanquam  duos  homines,  ut  magis  exaggeret  barbariem  illam,  quae  fuit  in  Idumaeis,  quod  scilicet  obliti  cognationis  suae  ita  saevierint  in  proprium  sanguinem.  Persequuti  sunt  igitur  fratrem  suum  gladio,  hoc  est,  fuerunt  professi  hostes,  quia  scilicet  adiunxerant  se  exteris.  Assyrii  venerant  contra  Israelitas,  Idumaei  simul  arma  induerant:  vel  hoc  forte  contigerat  ante  bellum  illud.  Nam  quum  Syrii  et  Israelitae  conspirassent  adversus  Iudaeos,  probabile  est  fuisse  etiam  Idumaeos  in  eodem  foedere.  Quidquid  sit,  propheta  exprobrat  saevitiam,  quod  nullo  sanguinis  sui  respectu  arma  induerint  contra  suos  consanguineos.  Postea  addit,  violaverunt  misericordias  suas.  Quidam  vertunt,  sua  viscera:  sed  coacte.  Alii  autem  male  relativum  transferunt  ad  filios  Iacob:  quasi  diceret  propheta,  Edom  violasse