42:14  Dieu  ha  fait  au  monde,  ne  voila  point  un  grand  profit  que  nous  soions  tenus  en  bride,  et  que  nous  aprenions  de  cheminer  en  crainte,  et  en  solicitude,  et  puis  que  nous  connoissons  quand  il  nous  aura  laisses  pour  un  temps,  que  nous  ne  serons  pas  quittes  pour  cela:  voila  donc  le  second  poinct  que  nous  avons  a  noter  en  ces  histoires  ici.  Pour  le  troisieme,  il  est  certain  que  Dieu  ha  voulu  avertir  les  pauvres  fideles  en  la  personne  de  Daniel,  a  fin  qu'ils  se  consolassent,  voians  qu'il  faloit  qu'ils  endurassent  beaucoup,  qu'ils  fussent  munis,  qu'ils  ne  fussent  point  surprins  soudain,  comme  nous  voions  que  si  les  choses  nous  aviennent  outre  nostre  attente,  nous  sommes  effarouches  et  esperdus.  Dieu  donc  ha  voulu  prevenir  et  remedier  a  cela,  et  ha  donne  telles  admonitions  a  son  peuple,  que  les  fideles  se  pouvoient  armer  devant  la  main,  que  puis  qu'ainsi  est  que  Dieu  les  vouloit  affliger,  il  faloit  qu'ils  eussent  le  dos  tout  appreste,  pour  soustenir  en  patience  ses  verges,  et  ses  corrections,  mais  sur  tout,  ils  scavoient  que  Dieu  mettroit  bonne  fin  a  tous  ces  troubles  ici,  car  nous  verrons  comme  la  promesse  est  adioustee  quant  et  quant.  Et  ainsi  donc  les  fideles  pouvoient  contempler  qu'au  milieu  des  troubles  les  plus  horribles  du  monde,  si  est-ce  que  Dieu  n'oubheroit  iamais  ceux  qui  l'invoquent,  ii  est  vray  qu'il  faudra  qu'ils  endurent,  mais  cela  n'empeschera  point  que  cependant  il  n'ait  memoire  de  tous  les  siens,  a  fin  de  les  secourir  en  leurs  plus  griefves  afflictions.  Or  maintenant  quand  nous  orrons  ces  histoires  ici,  il  nous  faut  souvenir  de  ces  trois  poincts,  a  fin  de  tousiours  amener  ce  qui  est  ici  contenu  a  nostre  instruction.  Il  est  dit  en  premier  lieu,  que  ces  deux  roys,  dont  Daniel  avoit  parle,  feront  alliance,  c'est  a  scavoir,  le  roy  de  Syrie  et  le  roy  d'Egypte:  il  l'appele  le  roy  de  Syrie,  non  pas  que  ce  fust  le  principal,  car  (comme  nous  avons  dit)  Seleucus  dominoit  en  Babilonne,  en  Perse,  et  en  tous  ces  pays  d'Orient,  qui  est  une  partie  de  Syrie,  mais  ie  regarde  a  l'intention  de  l'ange,  qui  est  ici  expressement  marque,  que  ces  deux  roys  seroient  voisins  du  pays  de  Iudee.  Or  donc  il  est  dit  que  les  roys  de  Syrie  et  d'Egypte,  feront  alliance  eux  deux,  le  roy  d'Egypte  est  nomme  roy  de  Midi,  pour  la  situation  (comme  il  en  fust  hier  traitte)  et  le  roy  de  Syrie,  le  roy  d'Aquilon,  c'est  a  dire,  de  la  Bise,  a  cause  qu'il  dominoit  vers  le  coste  d'Aquilon.  Or  l'alliance  (dit  l'ange)  sera  faite  par  le  moien  d'un  mariage,  c'est  a  scavoir,  que  le  roy  d'Egypte  donnera  sa  fille  au  roy  de  Syrie.  Or  quand  il  parle  du  roy  d'Egypte,  ce  n'est  pas  le  premier  dont  il  fut  fait  hier  mention,  qui  avoit  este  capitaine  d'Alexandre  le  grand,  celuy-la  se  nommoit  Ptolomee  fils  de  Lagus:  cettui-ci  se  nomme  Ptolomee  Philadelphe  aimant  son  frere,  et  estoit  le  puisnai,  car  le