38:14  est,  insanabilem  esse  malitiam  populi,  quia  sit  ferreae  frontis.  Quaerit  ergo,  An  non  erubuerint,  quia  patrassent  abominationem:  quasi  diceret,  Convicti  sunt  suorum  scelerum:  an  tamen  potest  illis  extorqueri  aliquis  pudor?  Respondet,  Etiam  in  pudore  ipso  non  puduit  eos.  Particula  03  emphatice  ponitur.  Ergo  sic  resolvi  debet  loquutio,  quod  quum  Deus  obiiceret  illis  sua  probra,  et  convictos  teneret,  ita  ut  non  possent  tergiversando  effugere:  quum  ergo  ita  convicti  essent,  nullum  tamen  fuisse  illis  affectum  pudoris.  Quanquam  de  actuali,  ut  vulgo  loquuntur,  convictione  potest  locus  exponi,  quia  miseriis  prope  confecti  indomita  pervicacia  cum  Dei  iudicio  luctati  sint.  Ergo  etiam  in  ipso  pudore  non  fuit  pudoris  affectus.  Ratio  additur,  nescierunt  erubescere.  Hac  ergo  impudentia  probat  Ieremias  ipsos  esse  homines  perditos.  Et  ideo  addit,  Propterea  cadent  inter  cadentes,  et  in  tempore  visitationis  ipsorum  peribunt,  corruent.  His  verbis  intelligit  non  esse  amplius  cum  ipsis  disceptandum,  et  iustam  fore  Dei  vindictam,  quum  ipsos  penitus  delebit,  quia  frustra  verbis  ageret,  frustra  litigaret,  frustra  tentaret  ipsos  in  viam  reducere.  Summa  est  igitur,  hoc  unum  esse  residuum  ut  pereant,  quia  sine  pudore  omnem  doctrinam  et  omnes  admonitiones  reiiciant.  Dicit  autem,  Inter  cadentes:  quoniam,  ut  fieri  solet,  quisque  aliis  autor  erat  contemptus  et  obstinationis.  Quum  enim  viderent  singuli  alios  sibi  esse  similes,  hinc  illis  spes  impunitatis,  et  inde  etiam  peccandi  illecebra.  Dicit  igitur  propheta  instare  simul  omnibus  perniciem.  Cadent  inter  cadentes,  inquit,  et  corruent  in  tempore  visitationis  ipsorum.  Significat  Deo  esse  iam  praefixum  diem  quo  ipsos  perdat.  Si  autem  ad  tempus  differat,  non  esse  cur  existiment  secum  melius  agi,  quia  cumulent  sibi  sua  pertinacia  gravius  iudicium.  Denique  utcunque  ad  tempus  illis  Deus  parcat,  propheta  admonet  hoc  nihil  profore,  quoniam  Deo  statutum  est  visitationis  tempus.  Sequitur  confirmatio,  13.  Colligendo  colligam  (vel,  perdendo  perdam),  dicit  Iehovah:  non  uvae  in  vite  (vel  botri)  et  non  ficus  in  ficulnea:  et  folium  decidet:  et  dabo  illis,  transibunt  (hoc  est,  quae  dedero  illis  transibunt  ab  ipsis).  Confirmat,  ut  dixi,  proximam  sententiam.  Dixerat  fore  stragem  totius  populi:  eodem  sensu  nunc  addit,  Perdendo  perdam  eos.  P)DN  significat  proprie  colligere:  sed  metaphorice  capitur  pro  perdere,  quemadmodum  lingua  nostra  dicitur,  Trousser,  le  les  trousseray  tous  ensemble.  Et  hinc  melius  perspicitur  prophetam  exponere  quod  nuper  dixi,  nempe  instare  illis  omnibus  cladem,  ita  ut  nemo  futurus  sit  superstes,  totius  corporis  respectu  scilicet:  quia  servavit  semper  Deus  aliquas  reliquias.  Alibi  vero