37:14  mam  nostrae  felicitatis,  quae  in  sola  praesentia  Dei  consistit.  Bonorum  enim  omnium  cumulum  secum  affert.  Quod  si  absit,  nihil  nobis  miserius  aut  infelicius  esse  potest,  et  quamvis  affluant  bona  omnis  generis,  tamen  si  abalienati  simus  a  Deo  omnia  nobis  in  exitium  verti  necesse  est.  Porro  ex  circumstantia  notandum  est,  nihil  magis  fidei  esse  contrarium  quam  ad  praesentem  rei  aspectum  exigere  quae  Deus  annuntiat  per  prophetas  suos,  quibus  tunc  obmutescere  necesse  fuisset,  nisi  ut  ipsi  mentes  extulerant  supra  mundum,  ita  praediti  invicta  magnitudine  et  constantia  ausi  fuissent  alios  secum  attollere,  ut  in  rebus  desperatis  bene  sperarent.  Et  sane  ubi  praevalent  impii,  adeoque  ipsa  impietas,  quo  magis  ubique  trepidatur  et  quo  miserior  videtur  ecclesia,  eo  magis  extollere  convenit  gratiam  Dei,  eiusque  praesentiam  demonstrari  fidelibus.  10.  (Ecce  Dominus  Iehova.)  Brevem  illam  sententiam  pluribus  exornat,  quoniam  opus  habebat  aliqua  explicatione.  Et  demonstrandi  adverbium  iterum  usurpat  certitudinis  causa,  quo  plus  fiduciae  addat  bonorum  animis.  Planius  igitur  ostendit  quantum  nobis  conferat  praesentia  Dei:  ac  primo  quidem  venturum  ipsum  dicit  cum  fortitudine,  eaque  minime  otiosa,  sed  cui  effectus  ita  coniunctus  est  quem  sentiamus.  *b  vertunt  ex  se  ipso:  si  quis  ad  verbum  malit  vertere:  Est  potens,  vel  regnans  sibi.  Significat  autem  Deum  sibi  sufficere,  nec  cuiusquam  auxilio  indigere.  Idem  clarius  repetit  per  vocem  mercedis  et  operis.  Nam  hebraico  more  rem  unam  bis  dici  satis  tritum  est.  Merces  autem  dicitur  non  meritis  debita,  sed  iustitia  Dei,  qua  se  remuneratorem  esse  testatur  omnibus  qui  vere  et  ex  animo  eum  invocant.  Atque  hoc  valere  nomen  HDltf  noverunt  omnes  linguae  hebraicae  mediocriter  periti.  Summa  est,  Deum  non  venturum  ut  spectetur  a  nobis  otiosus,  sed  ut  virtutem  suam  exserat:  eamque  ipsi  experiamur:  adeoque  pro  voce  operis  non  male  quadraret  effectus.  Multi  subtilius  exponunt,  atque  pueriliter  philosophantur  in  verbis  operis  et  mercedis:  ac  si  opus  meritum  esset,  cui  rependitur  merces:  quum  propheta  nihil  minus  spectarit.  Idem  enim  repetit,  ut  iam  dictum  est,  atque  fructum  adventus  Domini  declarat,  quem  maximo  suo  bono  percipient  fideles.  11.  (Sicuti  pastor)  Hoc  versu  declarat  quale  sit  illud  Domini  opus.  Nam  quum  varie,  imo  innumeris  modis  operetur,  poterat  suspensus  haerere  auditor  quidnam  aggredi  vellet  Deus:  ita  generalis  doctrina  minus  fuisset  ad  spem  erigendam  efficax.  Etsi  autem  non  enumerat  singulas  partes,  breviter  tamen  admonet  Deo  fore  propositum  ecclesiam  suam  fovere  et  tueri.  Propterea  eum  comparat  pastori:  quo  nomine  immensum  eius  erga  nos  amorem  exprimit:  quod  se  eo  demittere  non  recuset,  ut  pastoris  munere  erga  nos  fungatur.  Alibi  et  nuper